2025-yilda test sinovlarida qatnashmagan abituriyentlar soni e’lon qilindi
Bilim va malakalarni baholash agentligi 2025-yilgi test sinovlarida qatnashmagan abituriyentlar sonini e’lon qildi. Statistikaga ko‘ra, joriy yilda jami 56 329 nafar abituriyentning natijalari inobatga olinmagan. Shundan 32 051 nafari joriy yil bitiruvchilari hisoblanadi.
Hududlar kesimida eng ko‘p abituriyent testga kelmagan Samarqand viloyatida — 6 844 nafar, eng kam esa Sirdaryo viloyatida — 1 516 nafar qayd etilgan. Hududlar bo‘yicha to‘liq taqsimot quyidagicha:
- Samarqand viloyati — 6 844
- Qashqadaryo viloyati — 6 439
- Farg‘ona viloyati — 5 771
- Namangan viloyati — 5 733
- Toshkent viloyati — 4 942
- Andijon viloyati — 4 501
- Surxondaryo viloyati — 4 288
- Toshkent shahri — 3 635
- Xorazm viloyati — 3 087
- Jizzax viloyati — 2 862
- Qoraqalpog‘iston Respublikasi — 2 852
- Buxoro viloyati — 2 235
- Navoiy viloyati — 1 712
- Sirdaryo viloyati — 1 516
Shuningdek, bu yil 35 nafar abituriyent test sinovlaridan chetlashtirilgan, ular imtihon jarayonida qoidalarni buzgani sababli chiqarib yuborilgan va ball berilmagan. Hududlar kesimida eng ko‘p chetlatish Farg‘ona va Surxondaryo viloyatlarida (6 nafardan) qayd etilgan. Qashqadaryo viloyatida 5, Toshkent shahrida 4, boshqa hududlarda esa 1–3 nafardan abituriyent testdan chiqarilgan. Shu bilan birga, chetlashtirilganlarning 14 nafari joriy yil bitiruvchilaridir.
Natijalar shuni ko‘rsatadiki, test sinovlarida qatnashmagan yoki qoidabuzarlik qilgan abituriyentlar oliy ta’limga kirish imkoniyatidan mahrum bo‘lmoqda. Bu esa imtihon jarayonida qatnashish, tartib-intizomga rioya qilish va imkoniyatlardan to‘liq foydalanish zarurligini ko‘rsatadi.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
Asad