Oʻzbekistonning 12 ta oliy taʼlim muassasasi Top 1000 talikka kirdi
Kuni kecha nufuzli xalqaro reyting agentligi Times Higher Education (THE) “Impact Rankings 2025” natijalarini e’lon qildi. Reyting natijalariga koʻra, Oʻzbekiston oliy ta’lim muassasalari mintaqada eng yuqori koʻrsatkichlarni qayd etib, Markaziy Osiyo va Kavkaz hududining mutlaq yetakchisiga aylandi.
Agentlik Birlashgan Millatlar Tashkiloti tomonidan belgilangan 17 ta Barqaror rivojlanish maqsadlari (SDGs) boʻyicha universitetlarning hissasini tahlil qildi. Oʻzbekistonning jami 59 ta oliy taʼlim muassasasi roʻyxatga kiritildi, bu mintaqadagi eng yuqori natija hisoblanadi.
Quvonarlisi shundaki, Oʻzbekistonning 12 ta oliy taʼlim muassasasi dunyoning Top 1000 universitetlari qatorida munosib oʻrin egalladi.
Ulardan 3 tasi: O’zbekiston Milliy universiteti, Toshkent davlat Oʻzbek tili va adabiyoti universiteti hamda Milliy tadqiqot universiteti “TIQXMMI” eng yuqori koʻrsatkich – kuchli 300 likdan joy oldi.
Kuchli 1000 talik ichida Toshkent davlat yuridik universiteti, Buxoro davlat universiteti, Samarqand davlat universiteti va Toshkent davlat iqtisodiyot universitetlari ham bor.
13 ta oliygoh reytingning 1001-1500-gacha bo’lgan darajalaridan joy olgan. Qolgan 34 oliy ta’lim muassasasi 1500 dan keyingi o’rinlarda qayd etilgan.
Normativ-huquqiy hujjatlar loyihalari muhokamasi portaliga tibbiy ta’limga oid “Tibbiyot va farmatsеvtika ta’limi sohasida kadrlarni tayyorlash tizimini takomillashtirish chora-tadbirlari to‘g‘risida” gi Prezident qarori loyihasi joylashtirildi. Kеng ko‘lamli islohotlarni izchil davom ettirish, kadrlarni tayyorlash, qayta tayyorlash va malakasini oshirish tizimini eng ilg‘or tajribalar asosida isloh qilish maqsad qilingan hujjat tizimga bir qator yangiliklarni joriy etishi mumkin. Jumladan, […]
28-fevral kuni Adliya vazirligi Oliy ta’lim tashkilotlarining milliy reytingini yuritish to‘g‘risidagi nizomni davlat ro‘yxatidan o‘tkazdi. Bunda davlat va nodavlat oliy ta’lim tashkilotlari Ta’lim sifatini ta’minlash agentligi tomonidan amaliy fanlar, tibbiyot fanlari, ijtimoiy-gumanitar fanlar, ijod (sport). kabi 4 ta toifa bo‘yicha milliy reytingga kiritilishi nazarda tutilmoqda. Reyting natijalari har yili 1-noyabrga qadar (o‘tgan yil uchun) e’lon qilinadi. […]
Vazirlar Mahkamasining 2022-yil 7-iyundagi “Yoshlar muammolarini o‘rganish va hal etish tizimini yanada takomillashtirish chora-tadbirlari to‘g‘risida”gi qaroriga o‘zgartirish va qo‘shimchalar kiritildi. Unga ko‘ra, “Yoshlar daftari”ga kiritiladigan yoshlar toifalari belgilandi. Endilikda “Yoshlar daftari”ga Ijtimoiy reyestrga kiritilgan oilalarning a’zolari, oilasining oylik daromadi oila a’zolarining har biriga minimal iste’mol xarajatlari miqdorining 2 baravaridan ko‘p bo‘lmagan yoshlar kiritiladi. Ariza beruvchi […]
