G‘azolik talabalar Buyuk Britaniyaga evakuatsiya qilindi
Uzoq davom etgan urush va qiyinchiliklardan so‘ng ilk bor G‘azodan 34 nafar falastinlik talaba Buyuk Britaniyaga etib bordi. Ular London va Manchesterga uchib kelishdi, ayrimlari esa Shimoliy Irlandiya va Shotlandiyadagi universitetlarga yo‘l oldi.
Bu talabalar to‘liq grant asosida o‘qish imkoniyatiga ega bo‘lib, ularning kelishi siyosatchilar va akademiklarning bir necha oylik sa’y-harakatlari natijasida amalga oshdi. Umumiy hisobda 100 dan ortiq falastinlik yoshlar Britaniya universitetlaridan o‘qishga taklif olgan, ammo ularning barchasi hali kelishga muvaffaq bo‘lmadi.
Ta’lim vaziri Bridget Fillipson talabalarni kutib olib, ularning qat’iyati va jasoratini yuqori baholadi:
“Ular boshidan kechirgan azob-uqubatlarga qaramay, bilim olishni tanlashdi. Bu ularning kuchli irodasi va kelajakka bo‘lgan ishonchidan dalolat beradi,” – dedi u.
Britaniya tashqi ishlar vaziri Yvette Kuper esa bu tashabbusni G‘azoni qayta tiklash va yangi avlodni tarbiyalashda muhim qadam sifatida qayd etdi.
Talabalar orasida Chevening xalqaro stipendiyasi g‘oliblari ham bor. Ammo ikki nafar doktorant ayol – biri Glazgoga, ikkinchisi esa Liverpuldagi maktabga yo‘l olishi kerak edi – oilalari evakuatsiyaga qo‘shilolmaganidan keyin taklifni rad etishga majbur bo‘ldi.
Mutaxassislar bu tashabbus falastinlik yoshlar uchun Buyuk Britaniyada ta’lim olishning doimiy yo‘lini yaratishini, ular esa kelajakda orttirgan bilim va tajribalarini o‘z yurtini tiklashga safarbar etishini ta’kidlamoqda.
Normativ-huquqiy hujjatlar loyihalari muhokamasi portaliga tibbiy ta’limga oid “Tibbiyot va farmatsеvtika ta’limi sohasida kadrlarni tayyorlash tizimini takomillashtirish chora-tadbirlari to‘g‘risida” gi Prezident qarori loyihasi joylashtirildi. Kеng ko‘lamli islohotlarni izchil davom ettirish, kadrlarni tayyorlash, qayta tayyorlash va malakasini oshirish tizimini eng ilg‘or tajribalar asosida isloh qilish maqsad qilingan hujjat tizimga bir qator yangiliklarni joriy etishi mumkin. Jumladan, […]
28-fevral kuni Adliya vazirligi Oliy ta’lim tashkilotlarining milliy reytingini yuritish to‘g‘risidagi nizomni davlat ro‘yxatidan o‘tkazdi. Bunda davlat va nodavlat oliy ta’lim tashkilotlari Ta’lim sifatini ta’minlash agentligi tomonidan amaliy fanlar, tibbiyot fanlari, ijtimoiy-gumanitar fanlar, ijod (sport). kabi 4 ta toifa bo‘yicha milliy reytingga kiritilishi nazarda tutilmoqda. Reyting natijalari har yili 1-noyabrga qadar (o‘tgan yil uchun) e’lon qilinadi. […]
Vazirlar Mahkamasining 2022-yil 7-iyundagi “Yoshlar muammolarini o‘rganish va hal etish tizimini yanada takomillashtirish chora-tadbirlari to‘g‘risida”gi qaroriga o‘zgartirish va qo‘shimchalar kiritildi. Unga ko‘ra, “Yoshlar daftari”ga kiritiladigan yoshlar toifalari belgilandi. Endilikda “Yoshlar daftari”ga Ijtimoiy reyestrga kiritilgan oilalarning a’zolari, oilasining oylik daromadi oila a’zolarining har biriga minimal iste’mol xarajatlari miqdorining 2 baravaridan ko‘p bo‘lmagan yoshlar kiritiladi. Ariza beruvchi […]
