Eski hammom, eski tos: qachon bizda aytilgan so‘zga otilgan o‘q sifatida qaraladi?
Xabaringiz bor, ijtimoiy tarmoqlarda “2025-yil 1-noyabrdan boshlab davlat oliy taʼlim muassasalari talabalari oylik ijara to‘lovining bir qismini qaytarib olish uchun yagona portal orqali ariza topshirish imkoniyatiga ega bo‘ladi”, – degan xabarlar tarqalgan edi.
Avval bu jarayon murakkab edi, buning uchun talabalar maʼlumot yoki hujjatlarni dekan o‘rinbosariga, fakultetning yoshlar bilan ishlash bo‘limiga yoki talabalarni uy-joy bilan taʼminlash ishlarini muvofiqlashtiruvchi oliygoh bo‘limiga topshirishlari kerak edi, endi oson bo‘ladi deb hammayoqqa jar solindi. Hamma talabaning bitta ishi oson bo‘larkan deb xursand bo‘ldi, lekin qani, qayerda?
Bugun 3-noyabr, belgilangan sanadan keyin 2 kun o‘tganiga qaramay my.gov.uz portalida talabalar ijara shartnomasini ro‘yxatga olish bilan bog‘liq xizmatning o‘zi tugul nomi ham ko‘ringani yo‘q. balki biz adashayotgandirmiz degan “umid” da Adliya vazirligi “kotibasi” Muxlisa (AI) ga savol bergandik, afsuski, u ham gumonlarimizni tasdiqladi.
Aytgancha, Muxlisadan yana bir javobsiz savol so‘rab qo‘yibmiz. Hech bo‘lmasa, sun’iy intellekt bilar degan yaxshi gumonda edik-da)
Ma’lumot o‘rnida, talabalar uchun ijara to‘lovlarining 50% gacha qismini to‘lab berish amaliyoti mamlakatimizda 2021-yil sentyabrdan beri amalga oshirilmoqda. Bu miqdor ayni vaqtda Toshkent shahrida 412 ming, viloyatlarda 206 ming so‘mni tashkil qiladi. Ushbu summa sizga to‘lanishi uchun siz uyni ijaraga beruvchi shaxs bilan birga shaxsan yoki “Soliq.uz” ilovasi orqali soliq organlarida shartnoma orqali ro‘yxatdan o‘tishingiz kerak. So‘ng tuzilgan hujjatni kontrakt.edu.uz saytidagi shaxsiy profilingizning kerakli bo‘limiga joylaysiz yoki dekanatdagi mas’ul shaxsga taqdim qilasiz. Shartnomangiz o‘rganilib, ijroga loyiq deya topilsa, sizga universitet ma’muriyati tomonidan har oy yuqoridagi summalar ijara to‘lovlaringizga yordam tariqasida to‘lab beriladi.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
