Metrodan battar “probka” – TDTU da nima gap?
Qalampir.uz TDTU -Toshkent davlat tibbiyot universitetida 21-noyabr kuni talabalar bilan sodir bo‘lgan videolarni e’lon qildi. Ularda oliygoh talabalarining “NB” va “2” baholarini yopish maqsadida ertalab soat 07:00 dan boshlab navbatda turgani, test tizimi ishlamay, talabalar esa markazdan chiqarib yuborilgani aks etgan.
Test natijalari 0,8 koeffitsiyentga ko‘paytirilayotgani talabalar noroziligiga sabab bo‘lgan.
Masalan, 75 ball to‘plagan talaba natija koeffitsiyenti qo‘llangach 60 ballga tushib (75*0,8=60), “qoniqarli (3)” baho olmoqda. Talabalar orasida “bu jarayon kimnidir ataylab qishki semestrga qoldirishmi?” degan savollar paydo bo‘lgan.
Sayt olib borgan surishtiruvda talabalar bu kabi muammolar muntazam ravishda takrorlanayotgani, navbatlar, tortishuvlar, hatto janjallar yuzaga kelayotganini aytishgan. Shuningdek, test markazi xodimlariga nisbatan ham e’tiroz bildirilib, ba’zi xodimlarda tegishli diplom yoki malaka yo‘qligi, ular “tanish-bilishchilik” orqali ishga olingani haqida gaplar tarqalgan.
Tahririyat holatga aniqlik kiritish maqsadida universitet rahbariyati bilan ham bog‘langan.
Rasmiy munosabatga ko‘ra, Toshkent davlat tibbiyot universitetida talabalar bilimini baholashda inson omili ta’sirini kamaytirish hamda korrupsion holatlarni oldini olish maqsadida qoldirilgan mashg‘ulotlarni qayta topshirish jarayoni raqamlashtirilib, test markazida kompyuterlar orqali fanlar bo‘yicha qarzdorliklarni bartaraf etish imkoniyati yaratilgan. Qolaversa, test markazining ish vaqti 9:00 dan 18:00 gacha bo‘lishi e’tiborga olinsa, murojaatda keltirilgan holat test markazining ish vaqti boshlanmasidan oldin talabalar tomonidan sun’iy ravishda to‘planish hosil qilingan. Ushbu markazning talabalar oshxonasi bilan bir joyda joylashganligi ham vaziyatni murakkablashtirgan.
Bu holatdan xabar topgan O‘quv ishlari bo‘yicha birinchi prorektor, fakultetlar dekanlari va tegishli mas’ullar zudlik bilan test markaziga yetib kelib, u yerdagi vaziyatni tartibga solgan.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
