Kanada talabasi bo‘lib AQShga o‘tish endi xomxayol
Kanada hukumati 2028-yilga borib chet elliklar uchun o‘qish ruxsatnomasini qisqartirib, yiliga 150 mingtagacha tushirishni rejalashtirmoqda. Bu maqsadlar federal byudjet loyihasiga kiritilgan.
2024-yilda Kanadada vaqtinchalik migratsiya rekord darajaga yetib, aholining 7,5 foizini tashkil qildi. Hukumat bu ulushni 2027-yilga borib kamida 5 foizga tushirishni ko‘zlamoqda. Ushbu siyosat uy-joy bozori, sog‘liqni saqlash va iqtisodiyotga tushayotgan bosimni kamaytirish uchun qo‘llanmoqda.
Eslatib o‘tamiz, qisqartirish tizimi Kanadada ketma-ket ikkinchi yil kuzatilmoqda. 2025-yil boshlarida vizalar limiti 437 mingta etib belgilangan edi, bu o‘tgan yilga nisbatan 10 foiz kam.
Yangi taklifga ko‘ra, hatto jamoatchilik manfaatlari talab qilsa, talaba vizalari bekor qilinishi yoki vaqtincha to‘xtatilishi mumkin. Immigratsiya vaziri bu choralarga sabab viza firibgarliklari ko‘paygani – deya izohladi. Kanada universitetlari vizalarni keskin qisqartirish va bekor qilish ehtimoli xorijiy talabalarni jalb qilish tizimiga salbiy ta’sir qilishini ta’kidlamoqda. Ular “demografik bo‘shliq” yuzaga kelishi, ya’ni bitiruvchilarga nisbatan yangi talabalar soni kamayishi xavfidan ogohlantirmoqda.
Shu bilan birga, byudjet loyihasida ta’limni qo‘llab-quvvatlashga ham e’tibor qaratilgan. Hukumat keyingi 13 yilda 1,7 milliard Kanada dollarini tadqiqotchilar, doktorantlar va yosh olimlarni jalb qilishga ajratishga tayyor.
Shuningdek, AQShning H-1B vizasiga ega malakali mutaxassislar uchun o‘qish ruxsatnomasini tezlashtirilgan tartibda berish tizimi joriy etilishi mumkin.
Xabarni Kanadada o‘qishni rejalashtirayotgan do‘stingizga yuboring.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
