Endi “El-yurt umidi” hisobidan stajirovka o‘tay olasiz
Hukumatning 743-sonli “Istiqbolli mutaxassislarning “El-yurt umidi” jamg‘armasi mablag‘lari hisobidan maqsadli stajirovkasini tashkil etish tartibi to‘g‘risida”gi nizomi tasdiqlandi.
Unga ko‘ra, maqsadli stajirovkaga yuborish bo‘yicha nomzodlarni saralab olish Boshqaruv samaradorligi agentligi tomonidan amalga oshiriladi.
Buyurtmachi tashkilotlar har yili 10-noyabrgacha kadrlar tayyorlashga bo‘lgan ehtiyojlar to‘g‘risida lavozim va yo‘nalishlar kesimida Agentlikka ma’lumotlar taqdim etadi. “El-yurt umidi” jamg‘armasi Boshqaruv kengashi 15-yanvargacha stajirovka dasturining xorijiy mamlakatlar kesimidagi kvotalarini tasdiqlaydi.
Tashkilotlar tomonidan nomzodlar ro‘yxatini shakllantirishda uning stajirovka dasturiga mos mutaxassisligi bo‘yicha kamida 3 yillik ish tajribasi (shu jumladan, oxirgi 12 oy davomida ushbu sohada ishlagan bo‘lishi), davlat tilini bilishi, stajirovka o‘tash rejalashtirilgan xorijiy tashkilotning shartsiz taklifnomasi mavjudligi inobatga olinishi lozim.
Saralash tartibi test sinovlari va nomzodlar bilan suhbat asosida o‘tadi.
Testdan 71 foiz va undan yuqori natija ko‘rsatgan nomzodlar suhbat jarayoniga jalb etiladi.
G‘olib deb topilgan mutaxassislar bilan “El-yurt umidi” jamg‘armasi, Boshqaruv samaradorligi agentligi, buyurtmachi tashkilot va moliyaviy (qo‘shimcha) kafil o‘rtasida shartnoma tuziladi.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
