Bir talaba vafot etdi, ikkinchisining ahvoli barqaror – universitetda otishma sodir bo‘ldi
9-dekabr kuni taxminan soat 3:35 da Kentuki universiteti kampusining janubiy qismida, Whitney M. Young Jr. Hall nomli talabalar yotoqxonasida otishma sodir bo‘ldi.
BBC News xabariga ko‘ra, voqea natijasida ikki nafar talaba jarohatlangan bo‘lib, ulardan biri shifoxonada hayotdan ko‘z yumgan, ikkinchisining ahvoli ayni damda barqaror.
Frenkfort politsiya bo‘limining ma’lum qilishicha, gumonlanuvchi, universitet kampus politsiyasi xodimlari tomonidan tezkorlik bilan qo‘lga olingan. Surishtiruv natijasida uning oliygoh talabasi emasligi aniqlangan.
Hibsga olingan shaxs – Jakob Li Bard Indiana shtatining Evansvill shahridan ekani aytilmoqda.
Unga nisbatan qotillik va birinchi darajali bosqinchilik ayblovlari qo‘yilgan. Gubernator Endi Beshear va politsiya bu voqeani ommaviy otishma emas, balki yakkalangan hodisa deb ta’riflab, kampusda boshqa xavf yo‘qligini tasdiqlagan, Ammo otishmaning sababi va tafsilotlari hozircha jamoatchilikka ma’lum qilinmagan.
Voqea talabalar qishki ta’tilga chiqishdan oldingi yakuniy imtihonlar haftasiga to‘g‘ri kelgan.
Shu sababli universitet hafta oxirigacha darslar, imtihonlar va boshqa faoliyatlarni bekor qilib, talabalarga uyga qaytishni taklif qilmoqda. Shuningdek, jabrlanganlarning oilalariga va barcha guvohlarga psixologik yordam xizmatlari ko‘rsatilishi aytilmoqda.
Afsuski, bu so‘nggi to‘rt oy ichida shu yotoqxona yaqinida sodir bo‘lgan ikkinchi otishma hodisasi bo‘lib, avvalgisi 17-avgust kuni sodir bo‘lgan va unda ham ikki kishi jarohat olgan edi.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
