Oliy ta’lim vazirligi “Profi University”ni sudga bergan(mi?)
Universitet asoschisi Bektosh Xatamovning shaxsiy sahifasida e’lon qilingan xabarga ko‘ra, joriy yilning 29-avgust sanasida Oliy ta’lim Vazirligi tomonidan“PROFI UNIVERSITY”ga yurisprudensiya yo‘nalishi bo‘yicha litsenziya berilgan.
Ammo shu kuni vazirlik nodavlat oliy ta’lim tashkilotlariga berilgan yangi litsenziyalar bo‘yicha rasmiy bayonot berib, “2025-yil 29-avgust kuni soat 06:19 dan 09:53 gacha https://license.gov.uz axborot tizimida yuzaga kelgan texnik nosozlik sababli, ko‘rib chiqish muddati tugamagan arizalar bo‘yicha ayrim nodavlat oliy ta’lim tashkilotlarining amaldagi litsenziyalariga o‘zgartirish kiritish haqidagi so‘rovlariga tizim tomonidan belgilangan talab buzilgan holda ijobiy xulosalar shakllantirilgan”ligini e’lon qilgan. Shu sababli tashkilotlar tomonidan ko‘rsatilgan yo‘nalishlar, mutaxassisliklar, taʼlim shakllari hamda faoliyat manzillari bo‘yicha e’lon qilingan ma’lumotlar asossiz hisoblanishini bildirgan.
Bu holatga Adliya Vazirligi “Litsenziya” axborot tizimi (license.gov.uz)da texnik nosozliklar hamda ruxsat etilmagan harakatlar kuzatilmagan va tizim shtat rejimida ishlab turibdi” – deya javob bergan.
Shu bilan Oliy ta’lim, fan va innovatsiyalar vazirligi sudga ariza bilan murojaat qilib, “PROFI UNIVERSITY” mas’uliyati cheklangan jamiyatiga nisbatan nodavlat ta’lim xizmatlarini ko‘rsatish uchun 2025-yil 29-avgustda berilgan 996228-sonli litsenziyani bekor qilishni so‘ragan.
Biroq 2025-yilning 24-oktyabrida Toshkent tumanlararo iqtisodiy sudida sudning qarori bilan vazirlikning da’vo arizasi rad qilingan.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
