O‘zbekiston oliygohlari va Al-Azhar o‘rtasida hamkorlik yo‘lga qo‘yiladi
Misrdagi islom olamining nufuzli markazi Al-Azhar va O‘zbekiston o‘rtasida yangi ilmiy loyihalar boshlanadi. Bu haqda Misrning diniy-ijtimoiy yo‘nalishdagi mashhur nashri — Al-Liwaa Al-Islami’da ma’lum qilindi.
Maqolada bildirilishicha, Qohirada Misr bosh imomi, Al-Azhar majmuasi rahbari shayx Ahmad at-Tayyib Saida Mirziyoyeva boshchiligidagi O‘zbekiston delegatsiyasi bilan uchrashuvda ikki tomonlama ilmiy loyihalarni yo‘lga qo‘yish muhimligini ta’kidlab, ilmiy va ma’rifiy sohadagi hamkorlikni yanada kengaytirishga tayyorligini bildirdi.
Uchrashuvda qo‘shma ta’lim va ilm-fan sohasidagi loyihalar muhokama qilindi. Xususan:
– Ulamolar va mutaxassislar o‘rtasida tajriba almashinuv dasturlari;
– O‘zbek talabalarini Al-Azharda ta’lim olishini qo‘llab-quvvatlash;
– Qo‘shma ilmiy-tadqiqot loyihalarini amalga oshirish;
– Konferensiyalar, master-klasslar va o‘quv seminarlarini o‘tkazish rejalari ko‘rib chiqildi.
Shayx Ahmad at-Tayyib O‘zbekiston bilan hamkorlik tarixan muhim ekanini qayd etib, ikki mamlakat o‘rtasidagi ilmiy va ta’limiy aloqalarni yanada chuqurlashtirish zarurligiga to‘xtalib o‘tdi. Uchrashuv yakunida tomonlar kelgusida qo‘shma ilmiy loyihalar, akademik almashinuvlar, talabalar va mutaxassislar uchun qo‘shimcha grantlar, ma’rifiy tadbirlar amalga oshirilishini bildirdi.
Ma’lumot o‘rnida, Al-Azhar, ayniqsa, Islomiy ta’lim va Arab adabiyoti sohasida dunyoning eng nufuzli va qadimiy markazi hisoblanadi. U dunyoning umumiy reytinglarida Top 1000 ro‘yxatdan joy oladi. Bu juda katta sonli universitetlar (taxminan 20 000 dan ortiq) ichida eng yuqori 5% ga kirishni anglatadi. QS Arab Region Rankingsda esa Top 50 ga kiradi.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
