Endi O‘zbekistondagi oliygoh diplomlari Yevropada ham tan olinadi
2026-yil 16-yanvar kuni O‘zbekistondagi Milliy pedagogika universitetining kimyo va biologiya bakalavriat yo‘nalishlari hamda ushbu fanlar bo‘yicha magistratura mutaxassisliklari Germaniyaning nufuzli ASIIN xalqaro agentligi tomonidan akkreditatsiyadan o‘tkazildi. Bu haqida O‘zbekiston Milliy pedagogika universiteti axborot xizmati ma’lum qilmoqda.
Mazkur yo‘nalishlar pedagogik oliy ta’lim muassasalari orasida ilk bor ASIIN akkreditatsiyasini qo‘lga kiritgani bilan alohida ahamiyatga ega. Bu esa universitetning ta’lim standartlari, o‘quv jarayoni, metodik ta’minoti, professor-o‘qituvchilar salohiyati va olib borilayotgan ilmiy tadqiqotlari xalqaro mezonlarga to‘liq mos kelishini tasdiqlaydi
2030-yil 30-sentyabrgacha amal qiladigan akkreditatsiya sertifikatlari ushbu yo‘nalishlar bitiruvchilarining diplomlari Yevropa va boshqa rivojlangan mamlakatlarda tan olinishini anglatadi. Bu kimyo va biologiya yo‘nalishida tahsil olgan kadrlarning xorijiy ta’lim muassasalari, ilmiy markazlar hamda sanoat korxonalarida faoliyat yuritishi uchun keng imkoniyatlar yaratadi.
Qayd etish kerakki, ASIIN ekspertlari tomonidan berilgan metodik tavsiyalar va baholash mezonlari o‘quv jarayonini yanada modernizatsiya qilishga xizmat qiladi. Yevropa va boshqa mintaqalardagi universitetlar bilan qo‘shma dasturlar, ilmiy loyihalar amalga oshirilishi uchun mustahkam asos yaratadi.
Ushbu yutuq aynan pedagogik oliy ta’lim muassasalari bo‘yicha respublikada ilk marotaba qayd etilgani bilan alohida ahamiyatga ega. Bu O‘zbekiston ta’lim tizimining xalqaro standartlar bilan uyg‘unlashayotganining yorqin dalilidir.
Endilikda yuqorida qayd etilgan yo‘nalishlar bitiruvchilari xorijiy universitetlarda magistratura yoki doktoranturani davom ettirish, xalqaro ta’lim muassasalarida o‘qituvchi yoki ilmiy xodim sifatida faoliyat olib borish, biologiya va kimyo sanoati yo‘nalishlarida jahon mehnat bozoriga chiqish, xalqaro grant loyihalarida ishtirok etishi mumkin.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
