Turkiyada yashash, o‘qish va ovqatlanish xarajatlari qoplanadigan 10 kunlik forumga marhamat!
2026-yil 6–15-iyul kunlari Ibn Xaldun universiteti negizida boʻlib oʻtadigan “Third Turkic World Summer Forum – 2026” da qatnashish uchun arizalar qabul boshlandi.
“Turkiy dunyo kelajagi” umumiy mavzusiga bagʻishlangan forum olimlar, yosh tadqiqotchilar, amaliyotchilar, davlat tuzilmalari, ommaviy axborot vositalari va fuqarolik jamiyati vakillarini Bolqondan Markaziy Osiyogacha boʻlgan mintaqadagi siyosiy, iqtisodiy, madaniy va texnologik jarayonlarni muhokama qilish uchun bir joyga toʻplaydi.
Forumning asosiy yoʻnalishlari quyidagilarni qamrab oladi:
➖turkiy xalqlar tarixi va sivilizatsion rivojlanishi;
➖siyosat, boshqaruv va xavfsizlik;
➖iqtisodiyot, energetika va transport aloqadorligi (jumladan, Oʻrta yoʻlak);
➖madaniyat, til, ommaviy axborot vositalari va “yumshoq kuch”;
➖mintaqa kelajagi: sunʼiy intellekt, raqamli boshqaruv, iqlim va “Vision 2040” strategiyasi.
Forum dasturi 10 kunga moʻljallangan boʻlib, maʼruzalar, panel munozaralar, debatlar, simulyatsiyalar, seminarlar, shuningdek, madaniy tadbirlarini oʻz ichiga oladi. Oʻqish bepul; yashash va ovqatlanish qabul qiluvchi tomon tomonidan taʼminlanadi.
Kimlar ariza topshirishi mumkin:
➖magistratura va doktorantura talabalari, oʻqituvchilar;
➖davlat xizmatchilari, diplomatlar, nodavlat notijorat tashkilotlari va ommaviy axborot vositalari vakillari;
➖turkiy dunyo mamlakatlaridan ekspertlar va mutaxassislar.
Ishtirok etishning ikki shakli koʻzda tutilgan:
✔️ maʼruzachilar/spikerlar (hajmi 5 000-15 000 soʻzdan iborat ilmiy maqola bilan, topshirish muddati — 2026-yil 20-fevral);
✔️ ishtirokchi-tinglovchilar (CV va motivatsion xat, topshirish muddati — 2026-yil 15-aprel).
Batafsil ma’lumot bu yerda👈
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
