Ilm hamda mehnat mevasi: o‘zbekistonlik qiz endi Ilon Mask tahsil olgan oliygohda o‘qiydi
Toshkent Xalqaro Vestminster universiteti akademik litseyi o‘quvchisi, “Litsey iftixori” sovrindori Munira Olloyorova AQShning nufuzli Ivy League universitetlaridan biri — University of Pennsylvanianing College of Arts and Sciences (UPenn Class of 2030)ga o‘qishga qabul qilindi.
Quvonarlisi, Munira to‘liq grant asosida tahsil olish huquqini qo‘lga kiritgan. Unga ajratilgan stipendiya 348 ming AQSh dollar (4 milliard 259 million so‘mdan oshiqroq) ni tashkil etadi va to‘rt yillik ta’lim xarajatlarini to‘liq qoplaydi.
Ma’lumot o‘rnida, University of Pennsylvania (UPenn) — bu shunchaki oliygoh emas, u dunyo ta’limining “oltin standarti” hisoblangan Ivy League sakkizta a’zosidan biri hisoblanadi. Unga 1740-yilda Benjamin Franklin asos solgan hamda muntazam ravishda dunyoning eng kuchli TOP-15 universiteti qatoriga kiradi. UPenn’ga kirish darajasi, odatda, 4-6% atrofida. Ya’ni, har 100 nafar eng iqtidorli nomzoddan faqat 5 nafari qabul qilinadi.
College of Arts and Sciences esa UPenn’ning “yuragi” va eng qadimiy maktabi (fakulteti) hisoblanadi. Unda 50 dan ortiq ixtisosliklar mavjud. CAS talabalari UPenn’ning boshqa nufuzli maktablaridan, masalan, dunyodagi №1 biznes maktabi — Wharton School dan ham dars olish imkoniga ega. Bu kollej bitiruvchilari Google, Goldman Sachs, BMT kabi dunyoning eng nufuzli tashkilotlariga ishga kirishda ustunlikka ega bo‘ladilar.
UPenn dunyodagi eng ko‘p milliarder bitiruvchilarga ega universitetlardan biri. Masalan, Ilon Mask (aynan hamyurtimiz qabul qilingan kollejda) va Donald Tramp shu yerda o‘qigan. UPenn’ning College of Arts and Sciences qismiga kirish — bu butun dunyo bo‘ylab “elita” qatoriga qo‘shilish deganidir. Bu yerning diplomi bitiruvchining nafaqat aqlli, balki o‘z tengdoshlari ichida eng irodali va iqtidorli ekanini isbotlaydi.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
