IT yo‘nalishida tahsil olayotgan iqtidorli talabalar taqdirlandi
15-mart kuni IT Park binosida raqamli texnologiyalar sohasida tahsil olayotgan iqtidorli talabalar va o‘quvchilarni taqdirlash marosimi bo‘lib o‘tdi. Tadbirda vazirlik rahbariyati, IT Park Uzbekistan vakillari, mamlakatimizdagi yetakchi oliy ta’lim muassasalari rektorlari hamda talaba yoshlar ishtirok etdi.
2025–2026-o‘quv yili bakalavriat bosqichi bo‘yicha O‘zbekiston Respublikasi Prezidenti, Beruniy va Islom Karimov nomli davlat stipendiyalarining 8 nafar g‘olibi hamda Raqamli texnologiyalar vazirligi stipendiyasini qo‘lga kiritgan 44 nafar talaba va o‘quvchi taqdirlandi. Nomdor davlat stipendiyalari sohiblariga guvohnoma va sertifikatlar Raqamli texnologiyalar vaziri Sherzod Shermatov tomonidan tantanali ravishda topshirildi.
Vazir o‘z nutqida bugungi kunda raqamli texnologiyalar iqtisodiyot, ta’lim, davlat boshqaruvi va kundalik hayotning barcha sohalarida muhim o‘rin tutayotganini ta’kidladi. Shuningdek, u talaba yoshlarni bilim va ko‘nikmalarini yanada rivojlantirib, kelgusida yurtimizda raqamli sohani rivojlantirishga hissa qo‘shishga chaqirdi.
Mazkur stipendiyalar talabalarning ilmiy izlanishlarini qo‘llab-quvvatlashga qaratilgan. Bu axborot texnologiyalari sohasidagi iqtidorli yoshlarni rag‘batlantirish va raqamli texnologiyalar yo‘nalishida malakali kadrlar tayyorlashga xizmat qiladi.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
