Endi grantda o‘qiganlarning hammasi ham 3 yil ishlab bermasligi mumkin
Xabaringiz bor 2005-yil avgust oyida Vazirlar Mahkamasining tegishli qarori bilan tasdiqlangan “Kadrlarni davlat grantlari asosida maqsadli tayyorlash tartibi toʻgʻrisida” gi nizomga binoan “Agar bitiruvchi oliy taʼlim muassasalarining bakalavriati va magistraturasida davlat grantlari asosida oʻqigan taqdirda, uning ishlab berish majburiyati kamida uch yil deb hisoblanar” edi. Ya’ni grant asosida tahsil olgan talabalarning oliygohni tamomlagandan so‘ng 3 yil ishlab berish majburiyati bor edi.
2026-yil 16-mart kuni Normativ-huquqiy hujjatlar loyihalari muhokamasi portaliga “Kadrlarni davlat grantlari asosida maqsadli tayyorlash tartibi to‘g‘risida nizomni tasdiqlash haqida”gi qarorga o‘zgartirishlar kiritish to‘g‘risida” gi qaror loyihasi muhokamaga qo‘yildi. Unga asosan, yuqoridagi nizom bandidagi “kamida uch yil” degan so‘zlar chiqarib tashlanib”, “Agar bitiruvchi oliy ta’lim muassasalarining bakalavriati va magistraturasida davlat grantlari asosida o‘qigan taqdirda, uning ishlab berish majburiyati davomiyligi ta’lim yo‘nalishi xususiyatini hisobga olgan holda Oliy ta’lim, fan va innovatsiyalar vazirligi tomonidan belgilanadi.” tartibida o‘zgartirilmoqda.
Ya’ni endi grantda o‘qigan talabalar balki, 2, balki 4 yil majburiy tartibda ishlab berishini faqatgina Oliy ta’lim, fan va innovatsiyalar vazirligi tasdiqlaydi. Buning aynan qancha vaqt davom etishi, qaysi jihatlarga ko‘ra belgilanishi loyiha muhokamadan o‘tgach ishlab chiqiladi.
Bundan tashqari, yangi qarorga ko‘ra, bitiruvchiga taklif etilayotgan ish joyi uning yashash hududidan kelib chiqib belgilanishi kutilmoqda. Avval bu uning aynan “doimiy yashash joyi” dan kelib chiqar edi.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
