Qirg‘izistonga o‘qishga topshirmoqchi bo‘lganlar, diqqat qiling! Talablar o‘zgarmoqda
Qirg‘iziston Vazirlar Mahkamasi kasb-hunar, o‘rta va oliy ta’lim sohasidagi bir qator qarorlarga o‘zgartirishlar kiritdi. Bu haqda 24.kg xabar berdi.
Qarorga muvofiq, Fan, oliy ta’lim va innovatsiya vazirligi qoshida davlat korxonasi — Xorijiy talabalarni qabul qilish markazi tashkil etiladi. Uning vazifasi xalqaro abituriyentlarni qabul qilish jarayonini soddalashtirish va shaffoflikni ta’minlashdan iborat bo‘ladi.
Hujjatda yangi qabul qoidalari ham joriy etilgan. Xususan, o‘rta ma’lumotli abituriyentlar uchun masofaviy ta’lim bekor qilindi. Biroq magistratura kabi ayrim dasturlar uchun masofaviy ta’lim va sirtqi kurslar mavjud bo‘lib qolmoqda.
Xalqaro talabalar uchun talablar aniqlashtirildi: ular majburiy tibbiy sug‘urtaning tasdiqlovchi hujjati va vakolatli organlar tomonidan tasdiqlangan ta’lim hujjatlarini taqdim etishlari shart. Bundan tashqari, davlat ta’lim grantlarini berish tartibi o‘zgartirildi. Bir qator qoidalar grant asosida moliyalashtirish tizimiga urg‘u berib, “budjet mablag‘lari hisobidan moliyalashtiriladigan joylar” tushunchasini bekor qildi.
Qaror rasmiy e’lon qilingan kundan boshlab 10 kundan keyin kuchga kiradi.
Avvalroq Qirg‘izistonda 90 nafar talabaga prezident stipendiyasi tayinlangani haqida xabar berilgandi.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
