Surxondaryoda ona kontrakt to‘lovini to‘lash maqsadida farzandini sotmoqchi bo‘ldi
2002-yilda tug‘ilgan S.J. 2025-yilning mart oyida SH. ismli yigit bilan tanishib, homilador bo‘lib qolgan. 2026-yilning yanvar oyi boshlarida tug‘uruq vaqti yaqinlashgach tumandagi tug‘uruqxonaga murojaat qilgan. 11-yanvar kuni esa o‘g‘il farzandni dunyoga keltirgan.
Tug‘uruqxonada S.J. hamshiralar orqali G.J. bilan tanishib, “isnoddan qutulish” hamda kontrakt pulini to‘lash maqsadida farzandini 1500 dollar evaziga sotishga kelishgan.
Sud hujjatlariga ko‘ra, 2026-yilning 15-yanvar kuni soat 14:00 larda S.J. xaridordan 1400 dollar va 1,2 million so‘m pulni olib, tilxat yozib berayotgan vaqtida huquqni muhofaza qiluvchi organlar tomonidan ushlangan.
Sudlanuvchi tug‘uruqxonaga joylashgan kuni G. ismli shaxs bolani o‘z qaramog‘iga olish taklifini berganini aytdi. U o‘sha paytda shok holatida bo‘lgani sababli avval farzandini dunyoga keltirib olishini, qarorni esa keyinroq qabul qilishini bildirganini ta’kidladi. Shuningdek, u G.ning bolani pul evaziga berish taklifiga javoban nima deyishni bilmay 1500 AQSH dollari so‘raganini va shu pul berilsa, bolani berishga rozi bo‘lishini aytganini ma’lum qildi.
Shundan keyin xaridor tez-tez uning oldiga kelib turgan. Keyinchalik bola qisilib tug‘ilgani, uni davolash lozimligi ma’lum bo‘lgan. G. chaqaloqni o‘zi davolatib olishini va bunga imkoniyati yetarli ekanligini aytgan.
Jinoyat ishlari bo‘yicha Termiz tuman sudi S.J.ni Jinoyat kodeksining 135-moddasi 3-qismi “a” bandi (odam savdosi) bilan aybdor deb topdi. Unga nisbatan Jinoyat kodeksining 57-moddasi qo‘llanib, 6 yil muddatga ozodlikdan mahrum qilish jazosi tayinlandi.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
