Kontrakt to‘lovi bir kun kechikkan talaba o‘qishdan haydaldi
Britaniyaning Koventri universitetida tahsil olayotgan 25 yoshli shrilankalik talaba Navodya De Silva kontrakt to‘lovini atigi bir kun kechiktirgani sababli o‘qishdan haydaldi va hozirda mamlakatdan deportatsiya qilinish xavfi ostida turibdi. Talaba 8 000 funt sterling miqdoridagi to‘lovni belgilangan muddatdan uch kun avval bank orqali jo‘natgan bo‘lsa-da, bank tizimidagi kechikish tufayli pul universitet hisobiga 1 kun kechikib tushgan.
Universitet ma’muriyati ushbu bir kunlik kechikish haqida darhol Ichki ishlar vazirligiga (Home Office) xabar bergan va natijada talabaning vizasi bekor qilingan.
“Men barcha talablarni bajargandim. Bu mening nazoratimdan tashqarida edi. Agar diplom olmasdan qaytsam, oilamning barcha mehnati bekor bo‘ladi”, — deydi Navodya De Silva.
Hozirda Navodya Britaniyada qolish uchun qo‘shimcha ruxsat so‘rab murojaat qilgan va qarorni kutmoqda. Agar uning arizasi rad etilsa, u mamlakatdan chiqarib yuborilishi mumkin.
Universitet ma’muriyati esa o‘z navbatida, talabalarga to‘lov va ro‘yxatdan o‘tish uchun 6 haftalik muddat berilishini, ular shunchaki Britaniya viza qoidalariga (UKVI) amal qilishga majbur ekanliklarini ma’lum qildi. Ichki ishlar vazirligi vakillari esa bu nizo universitet va talaba o‘rtasidagi masala ekanini, vazirlik faqat universitetdan kelgan xabar asosida chora ko‘rishini ta’kidladi.
Aziz talaba, zamonaviy ta’lim tizimlari va viza qoidalari juda qat’iy bo‘lib, sizning a’lo baholaringiz yoki intizomingiz moliyaviy muddatlar oldida ojiz qolishi mumkin. Shuning uchun har qanday to‘lovni yoki hujjat topshirish jarayonini oxirgi kuni emas, kutilmagan texnik kechikishlarni inobatga olgan holda kamida bir hafta oldin qilishingiz hayotiy zaruriyatdir.
Ozarbayjonda ayrim toifadagi talabalarni davlat byudjeti hisobidan o‘qitish tartibi joriy etilmoqda. Yangi tartibga ko‘ra, minalardan tozalash ishlari davomida halok bo‘lgan shaxslarning farzandlari uchun ta’lim to‘lovlari davlat byudjeti hisobidan qoplanadi. Bu imtiyoz Ozarbayjon hududidagi barcha ta’lim muassasalarida — ularning mulkchilik shaklidan qat’i nazar, amal qiladi (qo‘shimcha ta’lim bundan mustasno). Ushbu o‘zgarishlar 2026-yil 15-sentabrdan kuchga kiradi. Shuningdek, […]
Rossiya Davlat Dumasining «Adolatli Rossiya» (Справедливая Россия) fraksiyasi deputatlari talabalar uchun beriladigan oylik stipendiyalarni keskin oshirish tashabbusi bilan chiqdi. Partiya yetakchisi Sergey Mironov va deputat Yana Lantratova tomonidan fan va oliy ta’lim vaziri Valeriy Falkovga yuborilgan murojaatda akademik stipendiya yashash minimumining 100 foizidan kam bo‘lmasligi, ijtimoiy stipendiya esa 120 foizdan kam bo‘lmasligi so‘ralgan. Shuningdek, har […]
Prezident Shavkat Mirziyoyev “Yangi O‘zbekiston yoshlari – 2030” strategiyasi loyihasi bilan tanishdi. Unda yoshlarni qo‘llab-quvvatlash, ish bilan ta’minlash va ta’limni rivojlantirish bo‘yicha bir qator yangi takliflar ilgari surildi. Strategiyaga ko‘ra, xorijiy tillarni o‘rganishga bo‘lgan qiziqishni oshirish maqsadida B2 darajasidagi sertifikatga ega yoshlar uchun xorijga chiqish pasportini (“qizil pasport”) rasmiylashtirish bo‘yicha davlat boji 50 foizga kamaytirilishi […]
