Talaba tashqi ko’rinishi tufayli shafqatsizlarcha kaltaklandi
Rossiyaning Yekaterinburg shahrida 19 yoshli talaba ikki mast erkak tomonidan ayovsiz kaltaklandi. Hodisa shahar markazida sodir bo‘lgan bo‘lib, janjal kuzatuv kameralariga ham tushib qolgan.
Ma’lum qilinishicha, hujumchilar yigitni yerga yiqitib, bosh qismiga tepishgan. Shuningdek, undan iPhone telefoni tortib olinib, bank hisobidan 800 rubl yechib olingan. Jabrlanuvchining aytishicha, hujumchilarga uning tashqi ko‘rinishi yoqmagan.
Politsiya tezkor ravishda gumonlanuvchilarni qo‘lga olgan. Ular 26 yoshli temiryo‘l ishchisi va 23 yoshli ishsiz yigit ekani aniqlangan. Har ikkisi ham avval sudlanmagan. Gumonlanuvchilar aybini tan olib, telefonni yo‘lda tashlab yuborganini, pullarni esa taksiga sarflaganini bildirgan. Ularning so‘zlariga ko‘ra, voqea paytida mast bo‘lishgan.
«Dastlab mojaro biz bilan emas, boshqa noma’lum shaxslar bilan boshlangan edi. Biz nima bo‘layotganini bilish uchun yaqinlashgan edik», — deya tushuntirish bergan qo‘lga olinganlardan biri.
Shifokorlar talabada burun suyagining siljish bilan sinishi holatini aniqlagan. Hozirda ikki gumonlanuvchi ham qamoqqa olinib, ularga nisbatan zo‘ravonlik ishlatib sodir etilgan talonchilik moddasi bo‘yicha jinoyat ishi qo‘zg‘atilgan. Qonunchilikka ko‘ra, ularga 7 yilgacha ozodlikdan mahrum qilish jazosi tayinlanishi mumkin.
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
Afg‘oniston muvaqqat hukumati Tashqi ishlar vazirligi xotin-qizlarning akademik hujjatlarini, jumladan, diplomlarini rasman tasdiqlashni (verifikatsiya qilishni) to‘xtatishga qaror qildi. Bu haqda Afghanistan International xabar berdi. Ushbu cheklov natijasida afg‘onistonlik ayollar o‘zlarining ta’lim olganliklari haqidagi hujjatlarini xalqaro miqyosda tan oldira olmaydilar, bu esa ularning xorijda o‘qishni davom ettirish yoki chet elda ishga joylashish imkoniyatlarini amalda yo‘qqa chiqaradi. […]
