Kanadada talabalik vizalari rad etilishi rekord darajaga yetdi
2025-yilda Kanadada talabalik vizasi uchun arizalarning 62 foizi rad etildi. Bu esa so‘nggi o‘n yil ichidagi eng yuqori ko‘rsatkich hisoblanadi. Immigratsiya, Qochqinlar va Fuqarolik masalalari bo‘yicha Kanada vazirligi (IRCC) ning yangi ma’lumotlariga ko‘ra, bu ko‘rsatkich 2024-yildagi 52 foizdan oshgan va ilgari o‘rtacha 40 foizdan yuqori bo‘lgan.
Ta’lim vizalari bo‘yicha tasdiqlash va rad etish darajalari 2015–2025 yillar (Data: IRCC)
Eng ko‘p hindistonlik talabalar arizalarining taxminan 80 foizi rad etilgan. Boshqa davlatlar bo‘yicha batafsil ma’lumotlar ochiqlanmagan.
Talabalardan talab qilinadigan minimal moliyaviy kafolat miqdori CA$20,635 ga (taxminan AQSh dollari bo‘yicha 14,963) ko‘tarilgan. Shuningdek, arizachilar aniq o‘qish rejalarini taqdim etishi va to‘liq hujjatlar topshirishi talab etiladi.
Kanada 2025-yilda jami 437,000 ta o‘qish vizasini berishni rejalashtirmoqda, bu 2024-yilga nisbatan 10% kamroqdir. Shulardan 73,000 tasi magistratura talabalariga, taxminan 243,000 tasi bakalavriat va boshqa dasturlarga, va 120,000 tasi maktab yoshidagi bolalar va vizalarni yangilash uchun ajratilgan.
Bitirgandan keyingi ish vizalariga qo‘yilgan talablar ham qat’iylashdi: universitet bitiruvchilari ingliz yoki fransuz tilidan B2 darajasidan kam bo‘lmagan sertifikat taqdim etishi, kollej bitiruvchilari esa kamida B1 darajasiga ega bo‘lishi kerak. Tasdiqlanmagan dasturlarga o‘tgan talabalar endi bitirgandan keyingi ish vizasiga ega bo‘la olmaydi. Hukumat shuningdek, moliyaviy kafolatsiz tezkor viza olish imkonini bergan 14 mamlakat uchun Student Direct Stream dasturini yopgan.
Ma’lumotlarga ko‘ra, 2024-yilda Kanada bir milliondan ortiq xalqaro talabani qabul qilgan. Shulardan 41 foizi hindistonliklar, 12 foizi xitoyliklar, va 17,000 dan ortig‘i vetnamlik talabalar bo‘lgan.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
