O‘zbekistonda TOP-100 talikka kirgan oliygohlarning filiallari ochiladi.
Bugun, 15-sentabr Prezident Shavkat Mirziyoyev Toshkent viloyatining Bo‘stonliq tumaniga tashrif buyurdi hamda o‘qituvchi va murabbiylar bilan muloqot qildi.
Bo‘lib o‘tgan yig‘ilishda ta’lim tizimida quyidagi o‘zgartirishlar va islohotlarga to‘xtalib o‘tildi.
● O‘tgan sakkiz yilda ta’lim va ilm-fanga xarajatlar 6 karra oshirilib, 378 trillion so‘m mablag‘ ajratildi. Oltin-valyuta zaxiralarimiz O‘zbekiston tarixida ilk bor 50 milliard dollarlik marradan oshdi.
● Yangi o‘quv yilidan boshlab maktab davrida o‘quvchilarning qobiliyatiga qarab, kasb yoki oliy ta’limga yo‘naltirish uchun 9- va 11-sinf o‘quvchilari uchun yagona davlat imtihonlari joriy qilinadi. Shu orqali 400 mingga yaqin 9-sinf bitiruvchilari texnikumlarga qamrab olinadi. O‘qishni maktabda davom ettirib, oliygohga kirish istagida bo‘lgan yoshlarga fanlar tanlov asosida chuqurlashtirib o‘tiladi. Bir so‘z bilan aytganda, maktabdagi yakuniy imtihon natijalari bilan bitiruvchilar xohlasa texnikumga, istasa oliygohga kira oladigan bo‘ladi.
● Endi xorijiy til va fanlar bo‘yicha xalqaro sertifikatlar maktabdagi yakuniy imtihonlarda ham tan olinishi aytildi.
● 2026 yil yoshlarni zamonaviy kasb-hunarga o‘rgatish yili bo‘lishi qayd etildi. Shu maqsadda Kasbiy ta’lim agentligi tashkil qilinmoqda. Ushbu agentlik va hokimlarning asosiy vazifasi barcha 598 ta texnikumga yangi muhit olib kirish va xalqaro standartlarni joriy qilishdan iborat bo‘ladi.
● Yurtimizdagi 100 ta texnikumda Germaniya, Shveysariya, Xitoy, Koreya, Britaniya kabi davlatlarning ta’lim tashkilotlari bilan hamkorlik yo‘lga qo‘yilib, ularning eng ilg‘or kasbiy ta’lim dasturlari joriy qilinishi belgilandi.
● Texnikumlardagi xorijiy tillar uchun ajratilgan soatlar 4 karra ko‘paytiriladi. Kelgusi yildan texnikumlarda yangi raqamli platforma ishga tushiriladi. Unda bitiruvchilarining kasbiy ko‘nikmalari haqidagi barcha ma’lumotlar nafaqat o‘zimizning, balki xorijiy ish beruvchilar uchun ham ochiq-oshkora bo‘ladi.
● So‘nggi sakkiz yilda oliygohlar soni 77 tadan 202 taga, jami talabalar soni 250 mingdan 1,5 millionga yetgani ham ta’kidlandi.
● Endi muhandislik oliygohlarida har yili ixtirochilar o‘rtasida tanlov o‘tkaziladi. Gʻoliblarga 250 million so‘mgacha pul mukofoti beriladi. Respublika tanlovida eng ko‘p g‘oliblari bo‘lgan oliygohlarga zamonaviy laboratoriya, ilmiy adabiyotlar va boshqa jihozlar uchun 1 milliard so‘mdan beriladi.
● O‘zbekistonda TOP-100 talikka kirgan oliygohlarning filiallari ochiladi. Bu maqsadlarga erishish uchun kelgusi yilda 10 dan ziyod xalqaro tashkilotlar, 500 ta nufuzli oliygoh rektorlari, 1 mingdan ortiq xalqaro ekspertlar ishtirokida Markaziy Osiyo xalqaro ta’lim forumi o‘tkaziladi.
Normativ-huquqiy hujjatlar loyihalari muhokamasi portaliga tibbiy ta’limga oid “Tibbiyot va farmatsеvtika ta’limi sohasida kadrlarni tayyorlash tizimini takomillashtirish chora-tadbirlari to‘g‘risida” gi Prezident qarori loyihasi joylashtirildi. Kеng ko‘lamli islohotlarni izchil davom ettirish, kadrlarni tayyorlash, qayta tayyorlash va malakasini oshirish tizimini eng ilg‘or tajribalar asosida isloh qilish maqsad qilingan hujjat tizimga bir qator yangiliklarni joriy etishi mumkin. Jumladan, […]
28-fevral kuni Adliya vazirligi Oliy ta’lim tashkilotlarining milliy reytingini yuritish to‘g‘risidagi nizomni davlat ro‘yxatidan o‘tkazdi. Bunda davlat va nodavlat oliy ta’lim tashkilotlari Ta’lim sifatini ta’minlash agentligi tomonidan amaliy fanlar, tibbiyot fanlari, ijtimoiy-gumanitar fanlar, ijod (sport). kabi 4 ta toifa bo‘yicha milliy reytingga kiritilishi nazarda tutilmoqda. Reyting natijalari har yili 1-noyabrga qadar (o‘tgan yil uchun) e’lon qilinadi. […]
Vazirlar Mahkamasining 2022-yil 7-iyundagi “Yoshlar muammolarini o‘rganish va hal etish tizimini yanada takomillashtirish chora-tadbirlari to‘g‘risida”gi qaroriga o‘zgartirish va qo‘shimchalar kiritildi. Unga ko‘ra, “Yoshlar daftari”ga kiritiladigan yoshlar toifalari belgilandi. Endilikda “Yoshlar daftari”ga Ijtimoiy reyestrga kiritilgan oilalarning a’zolari, oilasining oylik daromadi oila a’zolarining har biriga minimal iste’mol xarajatlari miqdorining 2 baravaridan ko‘p bo‘lmagan yoshlar kiritiladi. Ariza beruvchi […]
