O‘zbekistondagi oliygohda nufuzli muassasa platformasi ochildi
“Yangi O‘zbekiston” universitetida Buyuk Britaniyaning dunyodagi eng nufuzli oliy ta’lim dargohlaridan biri, xalqaro reytinglarda yetakchi o‘rin egallab kelayotgan Oksford universiteti bilan hamkorlikda tashkil etilgan Oxford Hub platformasining rasmiy ochilish marosimi bo‘lib o‘tdi.
Oksford universiteti so‘nggi yillarda Times Higher Education World University Rankings reytingida ketma-ket ravishda jahonning birinchi raqamli universiteti sifatida e’tirof etilib kelinmoqda. Shuningdek, QS World University Rankings reytingida ham doimiy tarzda eng yuqori pog‘onalarda qayd etib kelinadi.
Bunday nufuzli universitet bilan hamkorlik “Yangi O‘zbekiston” universitetining xalqaro akademik maydondagi mavqeini yangi bosqichga olib chiqadi.
Mazkur loyiha faqatgina O‘zbekiston emas, balki butun Markaziy Osiyo oliy ta’lim tarixida muhim voqea sanaladi. “Yangi O‘zbekiston” universiteti mintaqada birinchi bo‘lib Oksford universiteti bilan bunday keng qamrovli va tizimli akademik platformani yo‘lga qo‘ymoqda.
Oxford Hub O‘zbekiston oliy ta’lim muassasalari uchun Oksford universitetining yetakchi olimlari, mutaxassislarining ilg‘or tadqiqotlariga rasmiy va tizimli asosda kirish imkoniyatini yaratadi. Ushbu tashabbus Oksford universiteti tarkibidagi Wolfson kolleji huzurida faoliyat yurituvchi Oxford Birsöz Initiative tomonidan muvofiqlashtiriladi hamda Buyuk Britaniya hukumati ko‘magida amalga oshiriladi.
Tantanali tadbirda, shuningdek, Buyuk Britaniyaning Markaziy Osiyo va Ozarbayjon bo‘yicha savdo vakili lord Jon Olderdaysga “Yangi O‘zbekiston” universitetining “Faxriy professori” unvoni topshirildi.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
