“O‘zJOKU talabalar uchun erkin” – Sherzodxon Qudratxo‘ja oliygoh bilan bog‘liq vaziyat yuzasidan munosabat bildirdi
Kuni kecha ijtimoiy tarmoqlarda O‘zbekiston Jurnalistika va ommaviy kommunikatsiyalar universitetida darsga kechikkan va formasiz kelgan talabalar binoga kiritilmagani sabab universitet darvozasi yonida turgani aks etgan video tarqaldi. Videoda mazkur talabalardan biri intervyu berib, forma kiymagani sabab universitetga kirilmagani, undan galstuk taqish talab qilinganini aytgan.
Mazkur hodisa jamoatchilikning qizg‘in bahslariga sabab bo‘ldi: kimdir bu universitet qoidasi ekanini ta’kidlasa, kimlardir talabaning “yonini oldi”.
Universitet rektori Sherzodxon Qudratxo‘ja mazkur voqea yuzasidan Facebook ijtimoiy tarmog‘ida munosabat bildirdi.
Uning aytishicha, universitetga hatto professor o‘qituvchilar ertalab soat 5-6 da keladi. Ustozlar shu vaqtda kelganida talabalarning kechikib kelishi hurmatsizlik hisoblanadi. Rektor bu narsalar maktabdan, avvalambor, oiladan boshlanishi, lekin, bir-ikkita talabalar populizm qilib, o‘zlaridan qahramon yasashi haqida qattiq fikrlar aytib o‘tgan.
“Birinchidan, oliy ta’limga o‘zi kimning haqqi bor aralashishga?, degan savol qo‘yaman. Bir zargar odam uzuk tayyorlasa, hech kim unga aql o‘rgatmaydi. Kulolga ko‘za yasashni hech kim o‘rgatmaydi. Bugun bizda maslahatchilar juda ko‘p — hokimlarga maslahat beradi, maslahat rektorga beradi. Mayli, hozir men u to‘g‘risida gapirmoqchi emasman.
Lekin e’tibor bering, soat 5:30-6:00 da professor-o‘qituvchilarimiz, ko‘pi ayollar, bolasini kiyintirib, maktabga chiqib, qaynona-qaynotasiga xizmatini qilib, jamoat transportida universitetga 8:00-8:15 ga kelishadi.Talaba esa 8:30 da keladi, qo‘lida albatta suv bo‘ladi. Ba’zi birlari “xot-dog”, “gamburger” oladi, uyda nonushta qilishga ulgurmaydi va paltosida kirib o‘tiradi. Kechagi yigit ham paltoda edi. Paltoni yechgin desangiz, uning ichida futbolka turgan bo‘ladi. “Men soviyapman”, deydi. Lekin bizlar bilamiz: umume’tirof etilgan dunyo madaniyati bo‘yicha, inson kelganda ustki kiyimini yechadi.
Universitetimiz odob-axloq kodeksida hamma narsa aytilgan. Har yili professor-o‘qituvchilar ham, xodimlar ham, talabalar ham, doktorantlar ham qo‘l qo‘yib, o‘z ixtiyori bilan kontrakt imzolaydi. Kechani yigitlar ham shundan kontaktga imzo qo‘ygan. Hech kim bu kontraktni majburlab qilmaydi.
Agar kimga yoqmasa, agar universitet bosim qilsa, o‘qimasin. Lekin men yana bir marta aytaman: O‘zJOKU universiteti juda talabalar uchun liberal, erkin”, – deydi Sherzodxon Qudratxo‘ja.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
