Universitet xodimi siyosiy bosimlar tufayli ishdan bo‘shatildi
Fotima Ardasher Larijoniy Emori universitet qoshidagi Uinship onkologiya institutida gematologiya va onkologiya bo‘yicha assistent-professor bo‘lib ishlagan. U saraton kasalligi, xususan, o‘pka saratoni bo’yicha tadqiqotlar bilan shug‘ullangan.
Uning otasi Ali Larijoniy — Eronning eng nufuzli amaldorlaridan biri.
U uzoq yillar Eron parlamenti (Majlis) spikeri bo‘lgan va hozirda Eron Milliy xavfsizlik kengashi kotibi (ayrim manbalarda Oliy rahbar Oyatulloh Xomanaiyning maslahatchisi) hisoblanadi. 2026-yilning yanvar oyida AQSH G‘aznachilik departamenti Erondagi norozilik namoyishlarini bostirishdagi roli uchun Ali Larijoniyga nisbatan shaxsiy sanksiyalar e’lon qildi. Bu uning qizining AQSHdagi mavqeini xavf ostiga qo‘ydi.
Ijtimoiy tarmoqlarda va Change.org platformasida Fotima Larijoniyni deportatsiya qilish haqida petitsiya boshlanib, qisqa vaqt ichida 100 000 ga yaqin imzo to‘plangan.
Jorjiya shtatidan saylangan kongressmen Buddi Karter (Buddy Carter) universitet rahbariyatiga rasmiy xat yo‘llab, Larijoniyni ishdan bo‘shatishni va uning tibbiy litsenziyasini bekor qilishni talab qildi. Uning fikricha, “otasi amerikaliklarni o‘limga chaqirayotgan shaxsning qizi AQSHda bemorlarni davolashi milliy xavfsizlikka tahdid hisoblanadi”.
Manbalarga ko‘ra,2026-yil 19-yanvarda eron-amerika hamjamiyati vakillari Uinship onkologiya insituti binosi oldida namoyish o‘tkazib, uning ishdan bo‘shatilishini talab qilishgan.
Universitetning rasmiy munosabati
Universitet 2026-yil 24-yanvarda (o‘tgan shanba kuni) tibbiyot fakulteti xodimlariga elektron xat yuborgan. Unda Fotima Larijoniy endi universitet xodimi emasligi tasdiqlangan. Biroq universitet uning aynan sanksiyalar yoki bosim tufayli haydalganini ochiq aytmagan:
Hozirda Fotima Ardasher Larijoniyning universitet saytidagi profili va barcha ma’lumotlari o‘chirib tashlangan. AQSH rasmiylari uning immigratsiya maqomini (yashash huquqini) qayta ko‘rib chiqayotgani haqida ham xabarlar bor (u 2021-yilda, Bayden ma’muriyati davrida grin-karta olgani aytiladi).
Bu voqea AQSHda “yuqori lavozimli diktatura amaldorlarining farzandlari G‘arbda yashashi va ishlashi kerakmi?” degan eski bahsni qaytadan olovlantirdi.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
