Harbiy tayyorgarliksiz yoshlarga chet elga chiqish taqiqlanishi mumkin
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi.
Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart.
Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish va rag‘batlantirish ishlari ham olib boriladi.
Shuningdek, 35 yoshdan oshgan va ikkinchi bor oliy ta’lim olayotgan talabalar uchun harbiy xizmatdan beriladigan kechiktirish huquqi (otsrochka) bekor qilinishi mumkin. Endilikda yoshi katta talabalar uchun o‘qish joyi harbiy chaqiruvdan himoya qiluvchi asos bo‘la olmaydi. Deputat Aleksandr Fedienkoning ta’kidlashicha, ushbu chora qo‘shimcha safarbarlik resurslarini shakllantirishga xizmat qiladi.
Bundan tashqari, Ukraina Mudofaa vazirligi harbiy xizmatdan band qilib qo‘yish (bron) tizimini butunlay qayta ko‘rib chiqmoqda. Taxminlarga ko‘ra, faqatgina mudofaa korxonalarida ishlaydigan xodimlar uchun istisno qilinishi, qolgan soha vakillari esa umumiy asosda xizmatga jalb etilishi mumkin.
30-aprel kuni Prezident Vladimir Zelenskiy Ukrainada harbiy holat va umumiy safarbarlik muddatini uzaytirish haqidagi qonunni imzolaganidan so‘ng, hududiy komplektlash markazlari (TCC) faoliyati yanada kuchaytirildi. Endilikda harbiy komissarlik vakillari jamoat joylarida, jumladan, sport zallarida tekshiruvlar o‘tkazib, harbiy xizmatdan kechiktirish huquqiga ega bo‘lgan shaxslarning hujjatlarini qayta tekshirmoqda.
Eslatib o‘tamiz, Rossiya tomoni Ukrainadagi ushbu jarayonlarni «shafqatsiz safarbarlik» deb atab, bu chora-tadbirlar mamlakatning demografik va mehnat resurslariga jiddiy zarar yetkazishi haqida bir necha bor bayonot bergan. Hozirda ushbu qonun loyihalari va takliflar Ukraina parlamenti darajasida qizg‘in muhokama qilinmoqda.
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Rossiyaning Yekaterinburg shahrida 19 yoshli talaba ikki mast erkak tomonidan ayovsiz kaltaklandi. Hodisa shahar markazida sodir bo‘lgan bo‘lib, janjal kuzatuv kameralariga ham tushib qolgan. Ma’lum qilinishicha, hujumchilar yigitni yerga yiqitib, bosh qismiga tepishgan. Shuningdek, undan iPhone telefoni tortib olinib, bank hisobidan 800 rubl yechib olingan. Jabrlanuvchining aytishicha, hujumchilarga uning tashqi ko‘rinishi yoqmagan. Politsiya tezkor ravishda […]
Afg‘oniston muvaqqat hukumati Tashqi ishlar vazirligi xotin-qizlarning akademik hujjatlarini, jumladan, diplomlarini rasman tasdiqlashni (verifikatsiya qilishni) to‘xtatishga qaror qildi. Bu haqda Afghanistan International xabar berdi. Ushbu cheklov natijasida afg‘onistonlik ayollar o‘zlarining ta’lim olganliklari haqidagi hujjatlarini xalqaro miqyosda tan oldira olmaydilar, bu esa ularning xorijda o‘qishni davom ettirish yoki chet elda ishga joylashish imkoniyatlarini amalda yo‘qqa chiqaradi. […]
