Talabalarning imtihon oldi odatlari — sizniki qanaqa?
Ispaniyadagi Salamanka universiteti fasadidagi qurbaqa tasvirini topishga harakat qilishadi. 1530-yilda qurilgan bu murakkab naqshlar orasidan mitti qurbaqani o‘zi mustaqil topgan talaba o‘qishda muvaffaqiyat qozonishi, topa olmaganlar esa omadsizlikka uchrashi haqida qadimiy afsonalar bor. Hozirda bu joy sayyohlar bilan gavjum bo‘lsa-da, haqiqiy talabalar buni imtihon oldidan o‘ziga xos meditatsiya va diqqatni jamlash mashqi deb bilishadi.
Amerikaning Yale universiteti va boshqa nufuzli oliygohlarida o‘tkaziladigan yalang’och «yugurishlar» va «qichqiriqlar» (Primal Scream) — bu shunchaki o‘yin-kulgi emas, balki kuchli emotsional bosimdan xalos bo‘lish usulidir. Talabalar qishning sovuq kunlarida ham darslardan charchagan asablarini bo‘shatish va to‘planib qolgan stressni tashqariga chiqarish uchun bor ovozlari bilan baqirib yalang’och yugurishadi. Bu psixologik nuqtai nazardan «energiya almashinuvi» hisoblanadi.
Yapon talabalarining shokolad olib yurishi esa til bilan bog‘liq qiziqarli so‘z o‘yiniga asoslangan. Ular asosan KitKat shokoladini tanlashadi, chunki yapon tilida «Kitto Katsu» iborasi «Albatta g‘alaba qozonasan» degan ma’noni anglatadi. Shu sababli, Yaponiyada imtihonlar mavsumida ushbu shokoladlar maxsus «omad tiliydigan» qadoqlarda sotiladi va talabalar uchun haqiqiy tumor vazifasini o‘taydi.
Vetnamda banan yemaslik odati esa bu mevaning o‘ziga xos xususiyatidan kelib chiqqan. Vetnam tilida «banan» va «sirpanish» so‘zlari o‘zaro bog‘liq bo‘lib, imtihonda «sirpanib ketish» — yiqilish yoki muvaffaqiyatsizlikka uchrash bilan tenglashtiriladi. Shuningdek, vetnamlik talabalar imtihon kuni tuxum yeyishdan ham qochishadi, chunki tuxumning dumaloq shakli «0» (nol) raqamini eslatadi. Buning o‘rniga ular omad rangi hisoblangan qizil loviyali taomlarni afzal ko‘rishadi.
Fransiyaning Nant shahridagi universitetlardan birida uxlash uchun maxsus xona mavjud. Bu “uyqu xonasi” talabalar juft-juft bo‘lib uxlamasliklari uchun ochilgan. U yerga hamma borib, xohlagan paytda dam olishi mumkin.
O‘zbekistonda ham talabalarning o‘ziga xos qarashlari talaygina. Masalan, konspektni yostiq ostiga qo‘yib uxlash — ma’lumotlarning «diffuziya» yo‘li bilan miyaga o‘tishiga bo‘lgan shirin umiddir.
Sizning guruhdoshlaringiz orasida imtihon kuni omad keltiradigan «baxtli» ko‘ylagi borlar yoki faqat bitta maxsus ruchka bilan yozadiganlar bormi? Izohlarda yozib qoldiring.
