“Avlod Grant” – endi kontraktingizning yarmini biz to‘laymiz!
Ziyo Forum talabalarni qo‘llab-quvvatlovchi yangi loyihani e’lon qiladi
“Avlod Grant” — Ziyo Forum fondi tomonidan O‘zbekiston Respublikasi qonunchiligiga muvofiq tashkil etilgan ijtimoiy-ta’limiy tashabbus bo‘lib, uning asosiy maqsadi oliy ta’lim muassasalarida kontrakt asosida tahsil olayotgan talabalarni qo‘llab-quvvatlash, ta’lim olish imkoniyatlarini kengaytirish va yoshlar orasida ta’lim motivatsiyasini kuchaytirishdan iboratdir.
Kimlar ishtirok eta oladi?
O‘zbekiston Respublikasidagi har qanday (davlat, nodavlat, xususiy) oliy ta’lim muassasasining bakalavr hamda magistratura bosqichidagi to‘lov-shartnoma asosida kunduzgi, kechki, sirtqi, masofaviy shaklda tahsil oluvchi talabalari. Super-kontrakt asosida talaba bo‘lganlar ham qatnashsa, bo‘ladi.
Eslatma: Davlat grantidagi talabalar, shuningdek, kontrakt to‘lovlari davlat tomonidan qoplab beriluvchi magistr xotin-qizlar ishtirok etishi ta’qiqlanadi! Da’vogarlarning talabalik holati Hemis yoki Digital platformalaridagi ID raqamlari orqali tekshiriladi.
Qancha miqdordagi kontrakt summasi necha kishiga to‘lab beriladi?
Umumiy 5 nafar g‘olibning 50 foiz, ammo 6 million 180 ming so‘m miqdoridan oshmagan shartnoma to‘lovlari fond hisobidan to‘lab beriladi. Grant faqatgina OTM hisob raqamiga o‘tkaziladi, naqd pul shaklida berilmaydi.
Tanlov necha bosqichda o‘tkaziladi?
Tanlov asosiy 2 bosqichdan iborat. Birinchi bosqichda ishtirokchilar
– Ziyo Forum, Avlod Media, Ziyo app Telegram kanallariga;
– Ziyo Forum, Avlod Media, Ziyo App Instagram sahifalariga obuna bo‘lishlari lozim.
Saralash 22-noyabrgacha davom etadi.
❗️Ma’lumot o‘rnida, talabgor Instagram va Telegram sahifalariga ega bo‘lishi shart.
Ikkinchi bosqichda esa saralashdan o‘tgan ishtirokchilar orasida Kahoot onlayn viktorinasi tashkil etiladi hamda sovrindorlar aniqlanadi. G‘oliblar soni belgilangandan kam yoki ko‘p bo‘lgan taqdirda fond hududida individual tarzda “Zakovat” o‘yini tashkil etiladi.
*Eslatib o‘tamiz, agar online viktorina g‘oliblari Nizomda ko‘rsatilgan Telegram hamda Instagram sahifalariga 22-noyabr sanasidan so‘ng obuna bo‘lgan taqdirda ularning yutuqlari bekor qilinadi. Faqatgina saralash bosqichi yakuniga qadar platformalarga obuna bo‘lgan ishtirokchilargina g‘olib deb topiladi.
Ishtirok etish uchun quyidagi havola orqali so‘rovnomani to‘ldiring:
Ariza topshirish 👈
Qo‘shimcha savollar uchun @AvlodMediaAdmin telegram akkountiga murojaat qilishingiz mumkin.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
