Bitiruvchilar bandligi 93 foiz: Prezident yangi takliflar taqdimoti bilan tanishdi
Prezident Shavkat Mirziyoyev 10-mart kuni qishloq va suv xoʻjaligi uchun muhandis kadrlar tayyorlash tizimini takomillashtirish yuzasidan takliflar taqdimoti bilan tanishdi.
Koʻp sohalarda ilm real hayotdan uzoqlashib ketgani, qishloq va suv xoʻjaligida ham ayrim yirik loyihalarni amalga oshirishda ilmiy asoslash va ekspertizaga yetarlicha eʼtibor qaratilmayotgani, olimlar va tadqiqotchilarning salohiyatidan toʻliq foydalanilmayotgani qayd etildi. Natijada baʼzi loyihalar kutilgan samarani bermayotgani taʼkidlandi.
Hozirgi kunda “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universitetida 11 mingdan ortiq talaba tahsil olmoqda, 7 ta fakultet, 37 ta kafedra va 38 ta taʼlim yoʻnalishi faoliyat yuritmoqda. Bitiruvchilarning bandlik darajasi esa 93 foizni tashkil etadi.
Shu bilan birga, muhandis kadrlarni tayyorlashda nazariya va amaliyot uygʻunligini taʼminlash maqsadida dual taʼlim tizimini keng joriy etish zarurligi koʻrsatib oʻtildi. Bunda talabalar haftasiga 4 kun nazariy bilim olishi, 2 kun ishlab chiqarish korxonalarida haq to‘lanadigan amaliyot o‘tashi nazarda tutilgan. Shuningdek, suvni tejash, kanallarni betonlash, smeta tuzish, kichik GESlar qurish va hosilni yig‘ish ishlarida talabalarning bevosita ishtiroki ta’minlanadi.
Bundan tashqari, mamlakatimiz suv resurslarining katta qismi transchegaraviy manbalarga bogʻliqligi, suv resurslari sohasida diplomat kadrlarni tayyorlash muhim strategik vazifalardan biri ekani taʼkidlandi. Ushbu maqsadda suv resurslari bo‘yicha diplomat kadrlar tayyorlash maqsadida magistratura dasturini kengaytiriladi va davlat granti asosidagi qabul o‘rinlarini ko‘paytiriladi.
Takliflar
Universitetda tashkil etilgan “Xalqaro suv diplomatiyasi” magistratura dasturini kengaytirish va davlat granti asosidagi qabul oʻrinlarini koʻpaytirish taklifi ham Prezident tomonidan maʼqullandi. Bu dastur orqali qo‘shni davlatlar uchun yuqori malakali mutaxassislar tayyorlash koʻzda tutilgan.
Taqdimot so‘ngida “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universitetida raqamli boshqaruv va KPI tizimlarini joriy etish, taʼlimning uzluksiz “maktab – texnikum – universitet – ishlab chiqarish” zanjiri asosida kadrlar tayyorlash tizimini shakllantirish boʻyicha rejalar ham maʼlum qilindi. Kelasi yillarda universitetda kosmik tadqiqotlar va sun’iy yo‘ldoshlar laboratoriyasini tashkil etish, kosmik ma’lumotlar asosida ilmiy tavsiyalar ishlab chiqish hamda universitetda dronlarni boshqarishga o‘qitish bo‘yicha maxsus kurslarni yo‘lga qo‘yish maqsadlari ham taqdimotda mavjud.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
