Farzand jondan qimmat
Yoxud ota ishdan bo‘shab, talaba qiziga taom tayyorlash uchun kafe ochdi
Xitoyning Jilin provinsiyasida ota qizining sog‘lom va mazali ovqat iste’mol qilishi uchun u tahsil oladigan universitet yaqinida kichik kafe ochdi. Bu haqda South China Morning Post xabar berdi. Ma’lumotlarga ko‘ra, Szilin pedagogika universitetining ikkinchi kurs talabasi Li Bindi universitet oshxonasidagi taomlarning zararli va bemazaligidan norozi bo‘lgan. Qolaversa, u uyda tayyorlanadigan ovqatlarni sog‘ingan. Qizining noroziligini eshitgan ota o‘z ishini tark etishga va qizining sog‘lig‘i hamda ovqatlanish sifati bilan shug‘ullanishga qaror qilgan.
Ishning ilk kunida faqat yetti porsiya taom sotilgan.
Bu daromad Li Bindining repetitorlik faoliyatidan tushgan mablag‘dan ham past chiqqan. Keyinchalik mazkur voqea ommaviy axborot vositalarida yoritilgach, vaziyat tezda o‘zgargan. Li Bindi ijtimoiy tarmoqlarda otasining hikoyasini mehribon amali haqida so‘zlab, uning mahsulotlarni tayyorlashda tozalikka, sifatga va har bir taomni mehr bilan tayyorlashga alohida e’tibor berishini ta’kidlagan va bu post qisqa vaqt ichida keng tarqalgan.
Qizning so‘zlariga ko‘ra, uning otasi sovuq qotishiga va charchoqqa qaramay, o‘zini baxtli his qilmoqda.
“Dadam katta foyda olishga intilmaydi. U faqat menga g‘amxo‘rlik qilishni va o‘zini boqish imkoniyatiga ega bo‘lishni xohlaydi”, deydi u.
Endilikda Li bo‘sh vaqtining ko‘p qismini otasiga yordam berish bilan o‘tkazmoqda.
Ra’no Nusratilloyeva
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
Rossiyaning Yekaterinburg shahrida 19 yoshli talaba ikki mast erkak tomonidan ayovsiz kaltaklandi. Hodisa shahar markazida sodir bo‘lgan bo‘lib, janjal kuzatuv kameralariga ham tushib qolgan. Ma’lum qilinishicha, hujumchilar yigitni yerga yiqitib, bosh qismiga tepishgan. Shuningdek, undan iPhone telefoni tortib olinib, bank hisobidan 800 rubl yechib olingan. Jabrlanuvchining aytishicha, hujumchilarga uning tashqi ko‘rinishi yoqmagan. Politsiya tezkor ravishda […]
