Milliy to‘lov-kontrakt tizimiga o‘zgartirishlar kiritildi
O‘zbekiston Respublikasi oliy ta’lim, fan va innovatsiyalar vazirining 2025-yil 11-noyabrdagi 443-son buyrug‘i bilan Oliy va oʻrta maxsus, professional taʼlim tashkilotlarida oʻqitishning toʻlov-kontrakt shakli va undan tushgan mablagʻlarni taqsimlash tartibi toʻgʻrisidagi nizomga oʻzgartirishlar kiritildi.
Unga ko‘ra, tegishli bandlardagi “oshirilgan toʻlov-kontrakt” degan soʻzlar “qoʻshimcha va tabaqalashtirilgan toʻlov-kontrakt” degan soʻzlar bilan almashtirilibdi.
To‘lov-kontraktni to‘lash muddatlari ham uzaytiriladi. Birinchi bosqich uchun talabalikka tavsiya qilingan abituriyentlar, endilikda to‘lov-kontrakt miqdorining kamida 25 foizini 15-sentyabrgacha, ikkinchi va undan yuqori kurs talabalari esa 1-oktyabrgacha to‘lashlari mumkin. Avvalgi tahrirda bu miqdor 50 foiz deb belgilangan edi.
O‘zgartirishlarga ko‘ra, to‘lov miqdorining kamida 50 foizi 1-yanvargacha, 75 foizi 1-martgacha va 100 foizi 1-maygacha to‘lanishi kerak. Oldin bu muddat 1-martga qadar bo‘lgan.
Bundan tashqari, oliy ta’lim tashkiloti rektori (direktori) buyrug‘i bilan Davlat komissiyasi tomonidan mazkur bandda nazarda tutilgan toʻlovlarni amalga oshirish muddatlari uzaytirilishi mumkin.
Nizomning 22-bandi yana “Qo‘shimcha va tabaqalashtirilgan toʻlov-kontrakt asosida oʻqish istagini bildirgan abituriyent Davlat komissiyasi tomonidan belgilangan muddatlarda toʻlov-kontrakt shartlarining birinchi oʻquv yili uchun kamida 50 foizini bajargandan soʻng oliy taʼlim tashkiloti rektori (direktori)ning buyrugʻi bilan oʻqishga qabul qilinadi” – degan qism bilan to‘ldirildi.
Yana bir yaxshi yangilik: endi kontraktdan tushgan mablag‘lar xorijiy oliy ta’lim tashkilotlarida istiqbolli yosh pedagog va ilmiy kadrlarni malakasini oshirish va ularning stajirovka o‘tashlariga sarflanishi mumkin.
Shuningdek, oliy ta’lim tashkilotlari o‘z talabalarini ijtimoiy muhofaza qilish doirasida 1 yilda bir talabaga mehnatga haq to‘lash eng kam miqdorining 6 barobarigacha moddiy yordam ko‘rsatishi mumkin bo‘ladi.
Ra’no Nusratilloyeva
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
Rossiyaning Yekaterinburg shahrida 19 yoshli talaba ikki mast erkak tomonidan ayovsiz kaltaklandi. Hodisa shahar markazida sodir bo‘lgan bo‘lib, janjal kuzatuv kameralariga ham tushib qolgan. Ma’lum qilinishicha, hujumchilar yigitni yerga yiqitib, bosh qismiga tepishgan. Shuningdek, undan iPhone telefoni tortib olinib, bank hisobidan 800 rubl yechib olingan. Jabrlanuvchining aytishicha, hujumchilarga uning tashqi ko‘rinishi yoqmagan. Politsiya tezkor ravishda […]
