Magistraturada qabul kvotalari 25 foizga oshiriladi
2026-yil 29-aprelda qabul qilingan Prezident farmoniga ko‘ra, “70710410 – Energiya tejamkorligi va energoaudit” magistratura yo‘nalishi bo‘yicha qabul kvotalari 2026–2027 o‘quv yilidan boshlab 25 foizga oshiriladi. Bu esa aynan texnika va energetika sohasiga qiziqqan talabalar uchun qo‘shimcha imkoniyat degani.
Yangi hujjat energiyani tejash, undan samarali foydalanish va iqtisodiyotda energiya samaradorligini oshirishga qaratilgan. Endilikda har olti oyda mamlakatda energiya sarfi darajasi hisoblab chiqilib, natijalar e’lon qilinadi.
Shuningdek, 2026-yil 1-sentyabrgacha oliy ta’lim muassasalarida energiya tejamkorligiga oid amaliy bilimlar o‘quv dasturlariga kiritiladi. Ya’ni talabalar bu sohani nafaqat nazariy, balki amaliy jihatdan ham o‘rganishadi. Yangi o‘quv yilidan boshlab esa barcha ta’lim bosqichlarida — bog‘chadan tortib universitetgacha — energiyani tejash ko‘nikmalarini shakllantirishga alohida e’tibor qaratiladi.
Kvotalarning oshirilishi esa iqtisodiyot tarmoqlarida malakali mutaxassislarga bo‘lgan ehtiyoj bilan bog‘liq. Shu sabab bu yo‘nalishda o‘qishni tanlagan talabalar kelajakda talabgir kasb egasiga aylanishi mumkin.
Farmon ijrosi maxsus “Energiya tejamkorlik” platformasi orqali nazorat qilinadi. Bundan tashqari, aholi va yoshlar orasida energiya tejash madaniyatini rivojlantirish maqsadida “Energiya samaradorligi – farovon hayot garovi” umummilliy harakati ham yo‘lga qo‘yiladi.
“Ijtimoiy reyestr”ga kiritilgan oilalar farzandlari uchun to‘lov-kontrakt xarajatlarini qoplash bo‘yicha davlat yordami yo‘lga qo‘yildi. Endi 14 yoshdan 30 yoshgacha bo‘lgan fuqarolar “Yoshlar daftari” jamg‘armasi mablag‘lari hisobidan kontrakt pulining bir qismini qoplash uchun my.gov.uz portali orqali onlayn murojaat qilishi mumkin. Belgilangan tartibga ko‘ra, yordam miqdori to‘lov-kontrakt summasining 50 foizigacha, biroq bazaviy hisoblash miqdorining 50 baravaridan oshmagan […]
Ozarbayjonda ayrim toifadagi talabalarni davlat byudjeti hisobidan o‘qitish tartibi joriy etilmoqda. Yangi tartibga ko‘ra, minalardan tozalash ishlari davomida halok bo‘lgan shaxslarning farzandlari uchun ta’lim to‘lovlari davlat byudjeti hisobidan qoplanadi. Bu imtiyoz Ozarbayjon hududidagi barcha ta’lim muassasalarida — ularning mulkchilik shaklidan qat’i nazar, amal qiladi (qo‘shimcha ta’lim bundan mustasno). Ushbu o‘zgarishlar 2026-yil 15-sentabrdan kuchga kiradi. Shuningdek, […]
Britaniyaning Koventri universitetida tahsil olayotgan 25 yoshli shrilankalik talaba Navodya De Silva kontrakt to‘lovini atigi bir kun kechiktirgani sababli o‘qishdan haydaldi va hozirda mamlakatdan deportatsiya qilinish xavfi ostida turibdi. Talaba 8 000 funt sterling miqdoridagi to‘lovni belgilangan muddatdan uch kun avval bank orqali jo‘natgan bo‘lsa-da, bank tizimidagi kechikish tufayli pul universitet hisobiga 1 kun kechikib […]
