Prezident a’lochi o‘g‘liga stipendiya tayinladi
Belarus prezidenti Aleksander Lukashenko 194 nafar iqtidorli talabani ijtimoiy qo‘llab-quvvatlash uchun 1 million rubldan ortiq (taxminan (4,07 milliard so‘m) mablag‘ ajratish to‘g‘risidagi farmoyishni imzoladi. Bundan tashqari, xalqaro olimpiada va tanlovlar g‘olibi bo‘lgan 38 nafar talabaga maxsus mukofotlar, 320 nafar o‘quvchi, kursant va talabaga esa alohida rag‘batlantiruvchi to‘lovlar berilishi belgilangan.
Qiziq tomoni, ushbu ro‘yxatda Belarus Prezidentining o‘g‘li Nikolay Lukashenko ham bor. Ma’lumot o‘rnida, zaxira jamg‘armasi aynan byudjet mablag‘lari hisobidan shakllantiriladi.
Manbalarga ko‘ra, bu prezident tomonidan o‘z o‘g‘liga stipendiya ajratilgan birinchi holat emas. Xususan, 2024/2025-o‘quv yilining ikkinchi semestrida stipendiya miqdori 229,07 rublni (933 ming so‘m atrofida) tashkil etgan bo‘lib, o‘sha paytda 3-kurs talabasi hisoblangan Nikolay Lukashenkoga ham berilgan. U 1 va 2-kurslarda o‘qigan davrida ham xuddi shunday stipendiya olgan.
Nikolay Lukashenko 2022-yil yozida Belarus davlat universitetining biologiya fakultetiga o‘qishga kirgan. Biroq bu ma’lumot rasman tasdiqlanmagan, uning ismi qabul qilinganlar ro‘yxatida ham ko‘rsatilmagan. 2023-yil iyun oyida esa Lukashenko kenja o‘g‘li Belarus–Xitoy hamkorlik loyihasi doirasida Pekin universitetida tahsil olayotganini ma’lum qilgan. Xitoy universiteti partiya qo‘mitasi kotibi Hao Pin kichik Lukashenkoning “juda yaxshi o‘qiyotgani va kursdagi eng a’lochi talaba” ekanini aytgan.
Yana kimning Prezidentga o‘g‘il bo‘lgisi kelib ketdi?
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
