Jahon tillari universiteti reytingda oliy o‘rinni egalladi
Oliy ta’lim muassasalarining xalqaro reyting tizimi — UniRank O‘zbekiston universitetlarning 2025-yil yakunlari bo‘yicha reytingini e’lon qildi. Reytingga jami 80 ta ta’lim muassasasi kiritilgan.
Reytingda O‘zbekiston Davlat jahon tillari universiteti birinchi o‘rinni egallagan.
Kuchli beshlikda, shuningdek, Toshkent Axborot texnologiyalari universiteti, Toshkent Davlat pedagogika universiteti, O‘zbekiston Milliy universiteti va Toshkent Davlat iqtisodiyot universiteti ham bor.
Xususiy oliygohlar orasida esa Xalqaro Nordik universiteti birinchi bo‘ldi.
2022-yili yetakchi fin kompaniyalari bilan hamkorlikda ochilgan va hozirda 7 mingdan ziyod talaba tahsil olayotgan mazkur ta’lim muassasasi umumiy reytingda 18 ta davlat oliygohidan so‘ng 19-o‘rinni egallagan.
UniRank — oliy ta’lim muassasalari uchun xalqaro reyting tizimi bo‘lib, u universitetlarning ommabopligini ularning internetda sayti bor yoki yo‘qligi, saytga tashrif buyuruvchilarning soni va foydalanuvchilarning iqtiboslari asosida baholaydi. Bu akademik reyting emas, balki marketing reytingi bo‘lib, universitetning internetdagi mashhurligini aniqlashga yordam beradi.
Mazkur tizim an’anaviy ravishda har yili butun dunyo bo’ylab 14 mingga yaqin universitet va kollejlarni, jumladan, O’zbekistondagi oliy ta’lim muassasalarini ham baholab boradi.
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
Rossiyaning Yekaterinburg shahrida 19 yoshli talaba ikki mast erkak tomonidan ayovsiz kaltaklandi. Hodisa shahar markazida sodir bo‘lgan bo‘lib, janjal kuzatuv kameralariga ham tushib qolgan. Ma’lum qilinishicha, hujumchilar yigitni yerga yiqitib, bosh qismiga tepishgan. Shuningdek, undan iPhone telefoni tortib olinib, bank hisobidan 800 rubl yechib olingan. Jabrlanuvchining aytishicha, hujumchilarga uning tashqi ko‘rinishi yoqmagan. Politsiya tezkor ravishda […]
