Endi B2 sertifikati bor yoshlarga “qizil pasport”ni olishda 50% chegirma berilishi mumkin
Prezident Shavkat Mirziyoyev “Yangi O‘zbekiston yoshlari – 2030” strategiyasi loyihasi bilan tanishdi. Unda yoshlarni qo‘llab-quvvatlash, ish bilan ta’minlash va ta’limni rivojlantirish bo‘yicha bir qator yangi takliflar ilgari surildi.
Strategiyaga ko‘ra, xorijiy tillarni o‘rganishga bo‘lgan qiziqishni oshirish maqsadida B2 darajasidagi sertifikatga ega yoshlar uchun xorijga chiqish pasportini (“qizil pasport”) rasmiylashtirish bo‘yicha davlat boji 50 foizga kamaytirilishi mumkin. Shuningdek, C1 darajasiga ega yoshlar va tadbirkorlik tashabbusi bilan chiqqan yigit-qizlar uchun ayrim davlat xizmatlari to‘lovlarida ham 50 foizli chegirmalar joriy etilishi rejalashtirilgan.
Taqdimotda 2030-yilga qadar 450 ming nafar yoshning xorijiy tillar bo‘yicha bilimini B2 darajasiga olib chiqish, 900 ming yoshni volontyorlikka jalb qilish asosiy maqsadlardan biri etib belgilandi. Shu bilan birga, mamlakatimiz bo‘ylab o‘quv markazlari sonini 90 mingtaga yetkazish vazifasi qo‘yildi.
Shuningdek, “Yangi avlod tadbirkorlari” dasturi doirasida Garvard, Stenford, MIT va London biznes maktabi kabi nufuzli ta’lim muassasalari bilan hamkorlikda 20 ming nafar yoshni o‘qitiladi. Hamda Respublika boʻyicha “Oʻzbekiston yoshlarni sevadi!” loyihasi, “Hayot fest” yoshlar festivali, “Talaba Fest” va “Talaba Expo 2026” kabi tadbirlar oʻtkazilib, Robototexnika assotsiatsiyasi faoliyatini kengaytirish belgilangan.
Ozarbayjonda ayrim toifadagi talabalarni davlat byudjeti hisobidan o‘qitish tartibi joriy etilmoqda. Yangi tartibga ko‘ra, minalardan tozalash ishlari davomida halok bo‘lgan shaxslarning farzandlari uchun ta’lim to‘lovlari davlat byudjeti hisobidan qoplanadi. Bu imtiyoz Ozarbayjon hududidagi barcha ta’lim muassasalarida — ularning mulkchilik shaklidan qat’i nazar, amal qiladi (qo‘shimcha ta’lim bundan mustasno). Ushbu o‘zgarishlar 2026-yil 15-sentabrdan kuchga kiradi. Shuningdek, […]
Britaniyaning Koventri universitetida tahsil olayotgan 25 yoshli shrilankalik talaba Navodya De Silva kontrakt to‘lovini atigi bir kun kechiktirgani sababli o‘qishdan haydaldi va hozirda mamlakatdan deportatsiya qilinish xavfi ostida turibdi. Talaba 8 000 funt sterling miqdoridagi to‘lovni belgilangan muddatdan uch kun avval bank orqali jo‘natgan bo‘lsa-da, bank tizimidagi kechikish tufayli pul universitet hisobiga 1 kun kechikib […]
Rossiya Davlat Dumasining «Adolatli Rossiya» (Справедливая Россия) fraksiyasi deputatlari talabalar uchun beriladigan oylik stipendiyalarni keskin oshirish tashabbusi bilan chiqdi. Partiya yetakchisi Sergey Mironov va deputat Yana Lantratova tomonidan fan va oliy ta’lim vaziri Valeriy Falkovga yuborilgan murojaatda akademik stipendiya yashash minimumining 100 foizidan kam bo‘lmasligi, ijtimoiy stipendiya esa 120 foizdan kam bo‘lmasligi so‘ralgan. Shuningdek, har […]
