Talaba qiz yotoqxonada dunyoga keltirgan farzandini o‘ldirdi
Qozog‘istonning Pavlodar shahrida yotoqxonada dunyoga keltirgan farzandini o‘ldirgan talaba qizga nisbatan sud hukmi e’lon qilindi.
Ma’lum qilinishicha, u homiladorligi davomida o‘z holatini ota-onasi va atrofdagilardan yashirib kelgan va o‘tgan yilning oktyabr oyida u talabalar turar joyining yuvinish xonasida qiz farzandni dunyoga keltirgan.
Tug‘ruqdan so‘ng u ruhiy bosim holatida bo‘lib, bolaning yig‘isi tug‘ilganini fosh etishidan qo‘rqib, chaqaloqni sochiqqa o‘rab, nafas yo‘llarini to‘sib qo‘ygan. Oqibatda bola halok bo‘lgan.
Sud jarayonida ayblanuvchi o‘z aybini to‘liq tan olgan. U ikki yildan ortiq vaqt davomida bir yigit bilan munosabatda bo‘lganini, biroq homiladorligi ma’lum bo‘lgach, yigit farzandni tan olishdan bosh tortganini aytgan.
Shuningdek, u homiladorligi haqida hech kimga aytmaganini, bolani yolg‘iz tarbiyalashga tayyor bo‘lmaganini va yaqinlarining munosabatidan qo‘rqqanini bildirgan.
Mazkur jinoyat ishi qisqartirilgan tartibda ko‘rib chiqilib, qizning harakatlari Jinoyat kodeksining 100-moddasi («ona tomonidan yangi tug‘ilgan bolasini tug‘ruqdan keyingi ruhiy og‘ir holatda o‘ldirishi») bo‘yicha kvalifikatsiya qilingan.
Sud ayblanuvchining yoshini, aybiga to‘liq iqror bo‘lganini hamda muqaddam sudlanmaganini inobatga olib, unga nisbatan 2 yil muddatga ozodlikni cheklash jazosi tayinladi. Shuningdek, yashash joyini ruxsatsiz o‘zgartirmaslik, ko‘ngilochar maskanlarga bormaslik hamda jazo muddati davomida har yili 100 soatdan majburiy jamoat ishlarini bajarish majburiyati yuklatilgan.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
