O‘zbekistonning birinchi sun’iy yo‘ldoshi talabalar bilan hamkorlikda yaratilmoqda
Xo‘sh, ilk milliy kosmonavt ham talaba bo‘ladimi?
Shavkat Mirziyoyev 16-fevral kuni 2028-yilda uchirilishi rejalashtirilgan Yerni masofadan turib zondlash sun’iy yo‘ldoshi modellari bilan tanishdi.
Raqamli texnologiyalar vazirligi huzuridagi Kosmik tadqiqotlar va texnologiyalar agentligi – “O‘zbekkosmos” direktori o‘rinbosari Muhiddin Ibragimov o‘z intervyusida sun’iy yo‘ldoshning ikki xil modeli taqdim etilganini ma’lum qildi. Avvalroq taqdim etilgan axborotlarga ko‘ra, sun’iy yo‘ldosh yaratish 50-100 million dollarga, kosmonavt tayyorlash dasturi esa 50-60 million dollarga tushishi mumkin.
Shuningdek, uning so‘zlariga ko‘ra ayni vaqtda yetti nafar talaba Yaponiyaning Kyushu Institute of Technology oliygohida tahsil olmoqda va u yerda O‘zbekistonning birinchi ilmiy sun’iy yo‘ldoshini yaratmoqda.
Muhiddin Ibragimov koinotga yuboriladigan nomzodni tanlash jarayoni haqida ham to‘xtalib o‘tdi.
Uning aytishicha, gap nafaqat parvozning o‘zi, balki orbital stansiyada ilmiy tadqiqotlar o‘tkazish haqida bormoqda, shu maqsadda ishlar ilmiy hamjamiyat va Fanlar akademiyasi bilan hamkorlik qilinmoqda.
“Kosmonavtga qo‘yiladigan talab, albatta, yuqori bo‘ladi: sog‘liq, fiziologik holati, ilm, tillarni bilishi nuqtayi nazaridan. Biz umumxalq dasturi qilmoqchimiz. Bo‘lajak kosmonavt hozirda o‘qiyotgan bo‘lishi ham, ishlayotgan bo‘lishi ham mumkin”, — degan Muhiddin Ibragimov.
U kasbi doktor bo‘lgan vengriyalik kosmonavtni misol qilib keltirdi, shuningdek, Saudiya Arabistonidan bo‘lgan kosmonavt saratonni o‘rganish sohasida olim edi.
Shu o‘rinda, Oliy ta’lim, fan va innovatsiyalar vaziri Qo‘ng‘irotboy Sharipov “O‘zbekkosmos” agentligi bilan birgalikda kosmik tarmoq uchun yetakchi oliygohlarni belgilash va iqtidorli yoshlarni maqsadli saralab olish ishlari boshlanganini ma’lum qildi. Mamlakatning oltita oliy ta’lim muassasasida alohida kosmik yo‘nalishlar bo‘yicha 162 nafar talaba tahsil olmoqda.
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
Rossiyaning Yekaterinburg shahrida 19 yoshli talaba ikki mast erkak tomonidan ayovsiz kaltaklandi. Hodisa shahar markazida sodir bo‘lgan bo‘lib, janjal kuzatuv kameralariga ham tushib qolgan. Ma’lum qilinishicha, hujumchilar yigitni yerga yiqitib, bosh qismiga tepishgan. Shuningdek, undan iPhone telefoni tortib olinib, bank hisobidan 800 rubl yechib olingan. Jabrlanuvchining aytishicha, hujumchilarga uning tashqi ko‘rinishi yoqmagan. Politsiya tezkor ravishda […]
