O‘smir talabalar yashaydigan yotoqxonaga hujum qildi
Rossiyaning Ufa shahrida 15 yoshli o‘smir xorijlik talabalar yashaydigan Boshqirdiston davlat tibbiyot universiteti yotoqxonasiga hujum qildi. Meduza’ning xabar berishicha, hodisa oqibatida olti kishi jabrlangan. U yerda, asosan, Hindistondan, shuningdek, Afrikadan kelgan chet ellik talabalar yashagani ma’lum qilindi.
O‘smir pichoq, kastet va gazballonchasi bilan qurollangan holda binoga kirgan. Dastlab e’tiborni jalb qilish uchun petarda portlatgan, so‘ngra odamlarga tashlangan. Voqea joyidan olingan surat va videolarga ko‘ra, u bir muddat bino bo‘ylab yugurgan va bir nechta xonada qon izlarini qoldirgan. Uni qo‘lga olish paytida patrul-post xizmatidagi ikki xodim yaralangan. Shuningdek, jinoyatchi o‘ziga ham tan jarohati yetkazgan. Hozirda u tibbiyot muassasasida davolanmoqda. Shifokorlar uning ahvolini og‘ir deb baholamoqda.
Boshqirdiston sog‘liqni saqlash vaziri Ayrat Rahmatullinning aytishicha, dastlabki ma’lumotlarga ko‘ra, hodisa oqibatida olti kishi jarohat olgan. Ularning to‘rt nafari — 21 yoshdan 24 yoshgacha bo‘lgan, bir nafar voyaga yetmagan hamda yana biri — 35 yoshli qo‘riqchi bo‘lib, u o‘smirni kiraverishda to‘xtatishga uringan va yuz hamda sonidan jarohatlar olgan. Barcha jabrlanuvchilar kasalxonaga yotqizilgan.
Ushbu hodisa yuzasidan ikki yoki undan ortiq shaxsni o‘ldirishga suiqasd qilish va huquqni muhofaza qiluvchi organ xodimining hayotiga tajovuz qilish moddalari bo‘yicha jinoyat ishi qo‘zg‘atilgan.
Boshqirdiston tibbiyot universiteti rektori Valentin Pavlovning ma’lum qilishicha, jarohatlanganlar orasida to‘rt nafar Hindiston fuqarosi bor. Boshqirdiston rahbari Radiy Xabirov jabrlanganlarning qarindoshlariga Rossiyaga kelishda yordam qilishga va’da bergan.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
