Ba’zi yo‘nalishlarda magistratura to‘liq grant asosida bo‘ladi
“Aholiga narkologik va psixiatrik xizmat ko‘rsatish tizimini transformatsiya qilish chora-tadbirlari to‘g‘risida”gi Prezident qarori loyihasiga ko‘ra, 2026–2027-o‘quv yilidan boshlab narkologiya, psixiatriya va tibbiy psixologiya mutaxassisligi bo‘yicha magistratura va klinik ordinatura/rezidentura bitiruvchilari uchun o‘qish muddati 2 yil davom etishi kutilmoqda.
Bunda psixiatriya ixtisosligini bitiruvchi kurs magistrlari va klinik ordinator/rezidentlariga o‘qish davrida psixiatriya va narkologiya muassasalarida psixiatr va narkolog shifokorlari lavozimlarida hamda tez tibbiy yordam psixiatrik brigadasida feldsher lavozimlarida o‘rindoshlik asosida ishlashiga ruxsat etilishi ko‘zda tutilmoqda.
Shuningdek, psixiatriya ixtisosligini bitiruvchi kurs magistrlari va klinik ordinator/rezidentlariga kattalar va bolalar psixiatri (psixonevrolog), suitsidolog shifokori bo‘lib, narkologiya ixtisosligi bitiruvchi kurs magistrlari hamda klinik ordinator/rezidentlarga esa narkolog shifokori bo‘lib ishlash huquqi berilishi rejalashtirilgan. Psixiatriya va narkologiya ixtisosliklarini bitiruvchi kurs magistrlari va klinik ordinator/rezidentlariga hamda tez tibbiy yordam psixiatriya bo‘yicha ko‘shimcha ixtisoslashitirish kurslari bitiruvchilariga tez tibbiy yordam psixiatr shifokori bo‘lib ishlash huquqi berilishi mumkin.
Bundan tashqari, qaror loyihasida:
➖2030-yil yakuniga qadar ruhiy salomatlik xizmatiga bo‘lgan ehtiyojdan kelib chiqib mutaxassislarini magistratura va klinik ordinatura/rezidentura bosqichida tayyorlashda to‘liq davlat granti asosida qabul qilinishi;
➖olis hududlarda narkolog, psixiatr, tibbiy psixolog, psixoterapevt va tez tibbiy yordam psixiatrik brigadasining tibbiy xodimlari bo‘lib ishlayotgan mutaxassislarning yashashi uchun bazaviy hisoblash miqdorining 5 baravaridan oshmagan miqdorida ijara haqlari mahalliy budjet mablag‘lari hisobidan qoplab berilishi;
➖2027-yil 1-yanvardan boshlab tuman (shahar) ko‘p tarmoqli markaziy poliklinikalarida psixiatr, bolalar psixonevrologi (bolalar psixiatri), tibbiy psixolog, narkolog, tez tibbiy yordam psixiatrik brigadasining shifokor hamda psixiatriya va narkologiya davolash muassasalarida faoliyat yuritayotgan psixiatr, narkolog, tibbiy psixolog, psixoterapevt hamda suitsidologlarning lavozim maoshiga, lavozimidan qat’i nazar, zararli mehnat sharoitlari uchun ish haqiga ustama miqdori 100 foizga oshirilishi ko‘zda tutilmoqda.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
