O‘zbekistonda yangi akademiya tashkil etiladi
O‘zbekistonda 20-yanvar kuni Shavkat Mirziyoyev 2025-yildagi sport tadbirlari natijalari va 2026-yilga mo‘ljallangan vazifalarni ko‘rib chiqdi. Prezident matbuot xizmati tadbir mavzulari haqida ma’lumot berdi.
Yig‘ilishda taqdim etilgan ma’lumotlarga ko‘ra, aholining ommaviy sport bilan qamrovi 15 million nafarga yetdi, sport bilan doimiy shug‘ullanuvchilarning soni so‘nggi yillarda qariyb 1,5 barobarga oshdi.
2025 yilda O‘zbekiston yoshlar terma jamoasi Jahon universiadasida 13-o‘rinni, Bahrayndagi Yoshlar o‘yinlari va Saudiya Arabistonidagi Islom birdamligi musobaqasida 2-o‘rin, BAA dagi Yoshlar Paraosiyo o‘yinlarida 1-o‘rinni egalladi.
Futbol bo‘yicha milliy terma jamoa ilk bor jahon chempionati yo‘llanmasini qo‘lga kiritdi, joriy yil shaxmatchi Javohir Sindarov esa jahon toji uchun Nomzodlar turnirida ishtirok etadi.
Prezident iqtidorli yoshlarni erta aniqlash va ularni maqsadli tayyorlash tizimini mustahkamlash bo‘yicha ko‘rsatmalar berdi.
Davlat rahbari, shuningdek, so‘nggi yillarda O‘zbekiston kurashda ham mintaqaviy, ham global miqyosda mustahkam o‘rin egallaganini ta’kidladi. Endilikda bu sportni yanada ommalashtirish uchun Mintaqaviy sport kurashlari akademiyasi tashkil etilishi belgilandi. Bu yildan boshlab Prezident kubogi, “O‘zbekiston botirlari” turniri, Bosh prokuror kubogi va harbiy xizmatchilar o‘rtasida kurash sport musobaqalari doimiy o‘tkazib boriladi.
Respublikamizdagi ehtiyojmand oilalarga mansub xotin-qizlar uchun oliy ta’lim muassasalariga qo‘shimcha davlat granti asosida qabul qilinish imkoniyatini beruvchi tavsiyanomalar uchun arizalar qabul qilinishi boshlandi. Joriy yilda ham ushbu maqsadlar uchun jami 4 mingta qo‘shimcha grant o‘rni ajratilgan bo‘lib, bu avvalgi yillarga nisbatan ikki baravar ko‘pdir. Talabgorlar o‘z arizalarini 8-iyuniga qadar Yagona interaktiv davlat xizmatlari portali (my.gov.uz) […]
Muhokamaga qo‘yilgan yangi nizom loyihasiga ko‘ra, “Vatan tayanchi” harakati a’zolari hamda “Vatanparvarlar” va “Shijoat va g‘ayrat” musobaqalari g‘oliblariga harbiy oliygohlarga kirishda imtiyoz berilishi rejalashtirilmoqda. Ya’ni, “Vatan tayanchi” harakatining faoliyatida faol ishtirok etgan taʼlim tashkilotlarini a’lo baholar bilan tamomlagan “Vatan tayanchi” otryadlarining bir nafar aʻzosiga hamda “Vatan tayanchi” harakatining “Vatanparvarlar” harbiy-sport musobaqasi va mahalla yoshlari oʻrtasida oʻtkaziladigan “Shijoat va […]
Ukrainada yoshlar uchun chet elga chiqish qoidalari yanada qat’iylashtirilishi mumkin. Bu haqda Ukraina Oliy Radasi deputati Ruslan Gorbenko ma’lum qildi. Parlamentda muhokama qilinayotgan tashabbusga ko‘ra, 18 yoshdan 22 yoshgacha bo‘lgan yigitlar xorijga chiqishdan avval bazaviy harbiy tayyorgarlik kurslarini tamomlagan bo‘lishlari shart. Mahalliy OAV ma’lumotlariga ko‘ra, ushbu kurslar davomida yoshlarni Ukraina Qurolli kuchlarida xizmat qilishga qiziqtirish […]
