Eksklyuziv: Open AI ChatGPT 5.1 ni taqdim etdi
TRT Haber ning yozishicha, Open AI o‘zining yangi avlodi bo‘lgan GPT-5.1 modelini e’lon qildi. Kompaniya ma’lumotiga ko‘ra, yangilanish ikki asosiy yo‘nalishda — GPT-5.1 Instant va GPT-5.1 Thinking versiyalari orqali foydalanuvchilarga taqdim etiladi.
GPT-5.1 Instant – bu tezkor va oson muloqot
“Instant” versiyasi foydalanuvchi ko‘rsatmalarini aniqroq tushunishi, tezroq javob qaytarishi bilan ajralib turadi. U muloqotni tabiiyroq tarzda olib boradi. OpenAI vakillarining ta’kidlashicha, bu model ChatGPT foydalanuvchilari orasida eng ommabop variantga aylanishi kutilmoqda.
GPT-5.1 Thinking esa sizga chuqur tahlil va aniq javoblar taqdim qiladi.
“Thinking” versiyasi esa murakkab savollarni chuqur tahlil qilish uchun ishlab chiqilgan. Kompaniya bu model murakkab masalalarni yanada to‘g‘ri hal qilishi, sodda savollarga esa tushunarli va lo‘nda javoblar berishini ma’lum qildi. Shuningdek, yangi tizim texnik atamalarni kamroq qo‘llaydi. Foydalanuvchi uchun qulayroq tushuntirish uslubiga ega bo‘ladi.
GPT-5.1 ChatGPT ning nafaqat aql-zakovatini, balki suhbat ohangini ham takomillashtirdi. Modelga joriy etilgan yangi “instruction following” tizimi orqali foydalanuvchilar chat-bot javoblarini aniqroq yo‘naltira olishadi. Kompaniya GPT-5 avval avgust oyida taqdim etilganini eslatib, GPT-5.1 versiyasi bu tajribani yanada yuksak bosqichga olib chiqqanini ta’kidladi. Ayniqsa tezlik, mantiqiy fikrlash va foydalanuvchi bilan o‘zaro aloqada sezilarli yaxshilanishlar kuzatilgan.
Shuningdek, OpenAI yangi modelning asosiy farqlaridan biri sifatida uning “iliqroq va empatikroq” ohangini ko‘rsatdi. Endilikda ChatGPT foydalanuvchiga yanada yaqin, samimiy va tabiiy muloqot uslubida javob beradi. Shu bilan birga, GPT-5.1 murakkab topshiriqlarni yanada samarali bajarib, foydalanuvchiga yanada qulay va insoniyroq suhbat tajribasini taqdim etadi.
Bu xabardan keyin ChatGPT ga turmushga chiqadiganlar soni yanada ko‘payib ketishidan xavotirdamiz…
Biroz muddat avval Open AI o‘rtacha daromadli mamlakatlar uchun “ChatGPT Go” premium tarifini 5,50 dollar (66 ming so‘m) evaziga taklif qilgan edi.
Samarqand shahrida bo‘lib o‘tgan Oʻzbekiston–Vengriya rektorlar forumi doirasida ikki mamlakatning taʼlim va ilmiy sohadagi hamkorlik masalalariga alohida to‘xtalib o‘tildi. Qayd etilganidek, bugungi kunda Oʻzbekiston va Vengriyaning 50 dan ortiq oliy taʼlim muassasalari oʻrtasida amaliy hamkorlik aloqalari yoʻlga qoʻyilgan. Shuningdek, “Stipendium Hungaricum” dasturi doirasida oʻzbekistonlik talabalar uchun ajratiladigan taʼlim grantlari soni 30 tadan 200 tagacha oshirilgani […]
5-mart kuni O‘zbekiston Respublikasi Pezidentining “Farmatsevtika tarmog‘ida ishlab chiqarishni rag‘batlantirish va ilmiy-tadqiqot jarayonlarini takomillashtirish bo‘yicha qo‘shimcha chora-tadbirlar to‘g‘risida” gi farmoni imzolandi. Unga ko‘ra 2026/2027-o‘quv yilidan boshlab Abu Ali ibn Sino nomidagi ixtisoslashtirilgan maktabda tajriba-sinov tariqasida Farmatsevtika texnik universiteti bilan o‘zaro integratsiya asosida o‘quvchilarni hayot fanlari asoslariga o‘rgatish bo‘yicha quyidagilarni nazarda tutuvchi ta’lim dasturlari joriy qilinadi. Abu […]
Prezident Shavkat Mirziyoyev 8-mart – Xalqaro xotin-qizlar kuni arafasida “Zulfiya” mukofoti bilan taqdirlash to‘g‘risidagi farmonni imzoladi. Eng quvonarlisi, bu yilgi “Zulfiyachi” qizlarning aksariyatini talabalar tashkil etmoqda. Ular: Satniyozova Indira Qaniyaz qizi — Qoraqalpoq davlat universiteti talabasi; Erimbatova Dilnoza Nurulla qizi — Qoraqalpoq davlat universiteti magistranti; Umurzoqova Mohlaroy Muxtorjon qizi — Andijon davlat pedagogika instituti magistranti; […]
