Ba’zi yuqori sinf o‘quvchilari farmasevtika sohasida imtihonsiz talaba bo‘la oladi
5-mart kuni O‘zbekiston Respublikasi Pezidentining “Farmatsevtika tarmog‘ida ishlab chiqarishni rag‘batlantirish va ilmiy-tadqiqot jarayonlarini takomillashtirish bo‘yicha qo‘shimcha chora-tadbirlar to‘g‘risida” gi farmoni imzolandi.
Unga ko‘ra 2026/2027-o‘quv yilidan boshlab Abu Ali ibn Sino nomidagi ixtisoslashtirilgan maktabda tajriba-sinov tariqasida Farmatsevtika texnik universiteti bilan o‘zaro integratsiya asosida o‘quvchilarni hayot fanlari asoslariga o‘rgatish bo‘yicha quyidagilarni nazarda tutuvchi ta’lim dasturlari joriy qilinadi.
Abu Ali ibn Sino nomidagi ixtisoslashtirilgan maktabning o‘quv jarayoni 5 yillik dasturlar asosida STEM modeli bo‘yicha tashkil etiladi. Bunda dastlabki 3 yilda ustuvorlik o‘quvchilarda kimyo, biologiya, fizika, matematika va ingliz tili bo‘yicha fundamental bilimlarni shakllantirishga, keyingi 2 yilda esa tabiiy fanlar asosida boshlang‘ich tayyorgarlikni ta’minlashga qaratiladi.
Maktabning 10-11-sinf va Farmatsevtika texnik universitetining tegishli bakalavriat yo‘nalishlari 1-kurs o‘quv rejalari o‘zaro integratsiya qilinadi. Bunda oliygohning o‘quv rejasiga oid fanlar o‘quvchilarning tanlovi asosida qo‘shimcha o‘qitiladi. Oliy ta’lim fanlari universitetning professor-o‘qituvchilari tomonidan o‘qitiladi va ushbu jarayonga oid barcha xarajatlar ushbu universitetning budjetdan tashqari mablag‘lari hisobidan qoplanadi.
Quyidagi talablarni bajargan maktab bitiruvchilariga universitetning tegishli ta’lim yo‘nalishida 2-kursdan test sinovlarisiz va qo‘shimcha imtihonlarsiz o‘qishni davom ettirish huquqi beriladi:
➖IELTS sertifikati (6,5 ball) yoki Bilim va malakalarni baholash agentligi tomonidan taqdim etiladigan B2 sertifikat hamda universitetning yo‘nalishiga qarab biologiya va kimyo fanlaridan biri bo‘yicha eng kamida B+ darajadagi hamda unga tenglashtirilgan sertifikatga ega bo‘lgan;
➖oliy ta’lim fanlari bo‘yicha akademik ko‘rsatkichlarni (Academic Performance) o‘rnatilgan talab bo‘yicha o‘zlashtirganlik.
Samarqand shahrida bo‘lib o‘tgan Oʻzbekiston–Vengriya rektorlar forumi doirasida ikki mamlakatning taʼlim va ilmiy sohadagi hamkorlik masalalariga alohida to‘xtalib o‘tildi. Qayd etilganidek, bugungi kunda Oʻzbekiston va Vengriyaning 50 dan ortiq oliy taʼlim muassasalari oʻrtasida amaliy hamkorlik aloqalari yoʻlga qoʻyilgan. Shuningdek, “Stipendium Hungaricum” dasturi doirasida oʻzbekistonlik talabalar uchun ajratiladigan taʼlim grantlari soni 30 tadan 200 tagacha oshirilgani […]
Prezident Shavkat Mirziyoyev 8-mart – Xalqaro xotin-qizlar kuni arafasida “Zulfiya” mukofoti bilan taqdirlash to‘g‘risidagi farmonni imzoladi. Eng quvonarlisi, bu yilgi “Zulfiyachi” qizlarning aksariyatini talabalar tashkil etmoqda. Ular: Satniyozova Indira Qaniyaz qizi — Qoraqalpoq davlat universiteti talabasi; Erimbatova Dilnoza Nurulla qizi — Qoraqalpoq davlat universiteti magistranti; Umurzoqova Mohlaroy Muxtorjon qizi — Andijon davlat pedagogika instituti magistranti; […]
Normativ-huquqiy hujjatlar loyihalari muhokamasi portaliga tibbiy ta’limga oid “Tibbiyot va farmatsеvtika ta’limi sohasida kadrlarni tayyorlash tizimini takomillashtirish chora-tadbirlari to‘g‘risida” gi Prezident qarori loyihasi joylashtirildi. Kеng ko‘lamli islohotlarni izchil davom ettirish, kadrlarni tayyorlash, qayta tayyorlash va malakasini oshirish tizimini eng ilg‘or tajribalar asosida isloh qilish maqsad qilingan hujjat tizimga bir qator yangiliklarni joriy etishi mumkin. Jumladan, […]
