Xitoylik talaba boʻynini uzoq vaqt pastga egib falaj boʻlib qoldi

Xitoyning Fuszyan viloyati, Quanzhou shahridan 19 yoshli Xiao Dong ismli talaba kundalik odatlari tufayli falaj boʻlish xavfini boshidan oʻtkazdi. U yozgi ishi davomida soatlar davomida bo‘yni pastga egilgan holda idish yuvish va stol tozalash kabi jismoniy ishlarni bajarib, bo‘yniga keskin bosim tushirgan. Bu haqda Oddity Central xabar qildi.

Bo‘ynini pastga egib mobil telefonda o‘yin o‘ynash va ijtimoiy tarmoqlarda vaqt o‘tkazish ham bu holatni kuchaytirdi. Dastlab, bo‘ynida, qo‘llarida va oyoqlarida uyushish paydo boʻladi. Ammo 30-iyul kuni Xiao uyg‘onib, oyoqlaridagi sezgini to‘liq yoʻqotganini angladi va harakatlana olmadi.

Tezkor yordam yetkazilganidan so‘ng shifoxonaga olib borildi. Tibbiyot xodimlari uning miya va umurtqa pogʻonasi oraligʻida, xususan C4–T1 segmentida katta qon qopi (gematoma) mavjudligini aniqladi. Bu qop umurtqa poydevorini siqib, tananing ko‘krakdan pastki qismi— deyarli toʻliq falaj holatiga olib kelgan.

Shifokorlar zudlik bilan jarrohlik amaliyoti oʻtkazdi. Bu orqali qon qopi olib tashlandi va doimiy falaj holatining oldi olindi. Hozirda Xiao Dong reabilitatsiya jarayonida, asta-sekin qayta tiklanmoqda, shifokorlar toʻliq tiklanish ehtimoli borligini bildirmoqda.

Tibbiy ekspertlar ogohlantiradiki, bo‘yni uzoq vaqt pastga egib olish qon aylanishini sekinlashtiradi, bu esa tomirlarning qo‘zg‘aluvchanligini o‘zgartiradi. Bunday holatlar bosh og‘rig‘i, bosh aylanishi, uzoq muddat charchoq, bo‘yin, yelka va qo‘llarda sezuvchanlikning susayishi, barmoqlarda uyushish kabi belgilar bilan namoyon bo‘ladi. Boshqa hollarda esa bu qon aylanishining uzilishi, markaziy asab tizimi zararlanishiga olib kelib, og‘ir asoratlarga — masalan, miya infarkti yoki yarim tananing falaj holatiga — sabab boʻlishi mumkin.