O‘zbekistondagi kvartiradan qimmat “lux” yotoqxonalar haqida bilasizmi?

“Yotoqxonalar” deganda ko‘z oldingizga 10 kishilik xona va navbat kutish kelayotgan bo‘lsa, adashasiz – bu manzillarda hatto uyingizga borgingiz ham kelmay qoladi. PlayStation zonasi, 5 yulduzli mehmonxona servisi va darsdan keyin haqiqiy dam olish uchun yaratilgan O‘zbekistondagi eng zo‘r 5 ta talabalar turar joyini yig‘dik. “Viloyatdan kelganman” deb xafa bo‘lishni to‘xtatib, ro‘yxatni ko‘ring: bu yerda sharoit uncha-muncha odamni hayratda qoldiradi!

1. STARS International University yotoqxonasi

Bu yer hozircha servis darajasi bo‘yicha O‘zbekistonda mutlaq yetakchi. Talabalar ixtiyorida shaxsiy Smart TV, PlayStation 5 dam olish zonalari va hattoki o‘zining elektr generatori bor (ya’ni dars paytida «svet» o‘chishi haqidagi bahonalar bu yerda o‘tmaydi).

• Narxi: Oyiga bakalavrlar uchun taxminan 1 600 000, magistrlar uchun 1 800 000 so‘m.

2. Central Asian University Dormitory

Kampusning qoq markazida joylashgan bu yotoqxona zamonaviy dizayni va xavfsizligi bilan tanilgan. Xonalar xuddi chet el filmlaridagi apartamentlarga o‘xshaydi: har birida shaxsiy muzlatkich, dush va xalqaro mehmonxona standartlari mavjud.

• Narxi: Xonadagi odam soniga qarab 1 500 000 – 2 500 000 so‘m.

3. Yangi O‘zbekiston universiteti yotoqxonasi

Bu yerda tartib va qulaylik birinchi o‘rinda. Elektron qulflar, konditsioner va yuqori tezlikdagi Wi-Fi talabalar… Eng muhimi — har bir qavatda dars tayyorlash uchun mo‘ljallangan kovorking markazlari bor, ya’ni “uyqum kelyapti” degan bahonadan qochish oson emas.

• Narxi: Davlat ko‘magi bilan oyiga taxminan 640 000 so‘m.

4. Toshkent shahridagi Vestminster xalqaro universiteti yotoqxonasi

WIUT yotoqxonalar o‘zining Britancha tartib-intizomi va tozaligi bilan mashhur. Bu yerga joylashish uchun “dahshat”li raqobat mavjud, chunki xalqaro muhit va 24/7 xizmat ko‘rsatish har bir talabaning orzusi.

• Narxi: Oyiga taxminan 800 000 so‘m.

5. Ajou University (in Tashkent) yotoqxonasi

Koreys ta’lim modeliga mos ravishda juda funksional va toza yotoqxona. Bu yerda hamma narsa talabaning darsdan keyin mazza qilib dam olishi uchun o‘ylangan: yorug‘ oshxonalar, lounge zonalar va doimiy issiq suv.

• Narxi: Oyiga 500 000 – 800 000 so‘m atrofida.