Noodatiy hodisa: talaba yigit o‘g‘irlab ketilib nikohga majburlandi
Hindistonda yosh yigitni o‘g‘irlab ketish va kuchli ta’sir qiluvchi moddalar yordamida majburan uylantirish bilan bog‘liq hodisa yuz berdi. Oxu.Az nashrining Times of India‘ga tayanib xabar berishicha, voqea Samastipur okrugida sodir bo‘lgan.
O‘g‘irlab ketish va majburiy nikoh qurboni 22 yoshli talaba Nitish Kumar bo‘ldi. 7-fevral kuni u ko‘chada tanishlari bilan uchrashgan, ular yigitga salqin ichimlik taklif qilishgan. Ma’lum bo‘lishicha, ichimlikka uxlatuvchi dori qo‘shilgan bo‘lgan.
Yigit o‘ziga kelganida allaqachon garovda edi. Jinoyatchilar uni ikki kun davomida ushlab turishgan va tinchlantiruvchi preparatlar berishni davom ettirib, so‘ngra uni qo‘shni qishloqlik Lakshmi Kumari ismli qizga uylanishga majbur qilishgan. Ta’kidlanishicha, nikoh marosimi vaqtida kuyov o‘zini yo‘qotib qo‘ygan va gandiraklagan holatda bo‘lgan, uni jismoniy jihatdan begonalarning yordami bilan ushlab turishgan.
Asirlikda bo‘lgan vaqtida Nitish qutqarishlarini so‘rab video murojaat yozib olishga muvaffaq bo‘lgan. Uning qarindoshlari videoni ko‘rib, darhol politsiyaga xabar berishgan. Seshanba kuni, 10-fevralda huquq-tartibot idoralari maxsus operatsiya o‘tkazib, jabrlanuvchini ozod qilishdi va oilasiga topshirishdi.
Kelin tomonning qarindoshlari esa bu nikoh o‘zaro kelishuv asosida tuzilganini da’vo qilmoqda. Hozirda Shahpur-Patori politsiya bo‘limi xodimlari jabrlanuvchini so‘roq qilmoqdalar va ishning barcha holatlari yuzasidan sinchkovlik bilan tergov o‘tkazilishini kafolatlamoqdalar.
Ma’lumot uchun: Hindistonning ayrim hududlarida (masalan, Bihar shtatida) bunday holatlar “Pakadwa Vivah” (majburiy nikoh) deb ataladi. Bunda kelin tomon munosib kuyovni (odatda talaba yoki yaxshi ish joyiga ega yigitni) o‘g‘irlab ketib, majburan uylantirib qo‘yishadi.
Samarqand shahrida bo‘lib o‘tgan Oʻzbekiston–Vengriya rektorlar forumi doirasida ikki mamlakatning taʼlim va ilmiy sohadagi hamkorlik masalalariga alohida to‘xtalib o‘tildi. Qayd etilganidek, bugungi kunda Oʻzbekiston va Vengriyaning 50 dan ortiq oliy taʼlim muassasalari oʻrtasida amaliy hamkorlik aloqalari yoʻlga qoʻyilgan. Shuningdek, “Stipendium Hungaricum” dasturi doirasida oʻzbekistonlik talabalar uchun ajratiladigan taʼlim grantlari soni 30 tadan 200 tagacha oshirilgani […]
5-mart kuni O‘zbekiston Respublikasi Pezidentining “Farmatsevtika tarmog‘ida ishlab chiqarishni rag‘batlantirish va ilmiy-tadqiqot jarayonlarini takomillashtirish bo‘yicha qo‘shimcha chora-tadbirlar to‘g‘risida” gi farmoni imzolandi. Unga ko‘ra 2026/2027-o‘quv yilidan boshlab Abu Ali ibn Sino nomidagi ixtisoslashtirilgan maktabda tajriba-sinov tariqasida Farmatsevtika texnik universiteti bilan o‘zaro integratsiya asosida o‘quvchilarni hayot fanlari asoslariga o‘rgatish bo‘yicha quyidagilarni nazarda tutuvchi ta’lim dasturlari joriy qilinadi. Abu […]
Prezident Shavkat Mirziyoyev 8-mart – Xalqaro xotin-qizlar kuni arafasida “Zulfiya” mukofoti bilan taqdirlash to‘g‘risidagi farmonni imzoladi. Eng quvonarlisi, bu yilgi “Zulfiyachi” qizlarning aksariyatini talabalar tashkil etmoqda. Ular: Satniyozova Indira Qaniyaz qizi — Qoraqalpoq davlat universiteti talabasi; Erimbatova Dilnoza Nurulla qizi — Qoraqalpoq davlat universiteti magistranti; Umurzoqova Mohlaroy Muxtorjon qizi — Andijon davlat pedagogika instituti magistranti; […]
