Sobiq talaba ta’limni manzil-koloniyasida “davom ettiradi”
Sankt-Peterburgda talabalar hayoti va siyosiy faollik chorrahasida yuz bergan shov-shuvli sud jarayoni o‘z yakuniga yetdi. Shahar sudi Sankt-Peterburg davlat universitetining sobiq talabasi, Qozog‘iston fuqarosi Garri Azaryanni ikki yillik manzil-koloniyasiga hukm qildi.
Bu voqea universitet devorlari orasida boshlangan oddiygina talabalar tashabbusi qanday qilib og‘ir jinoiy ayblovga aylanib ketganini ko‘rsatuvchi yaqqol misol bo‘ldi. Hammasi o‘tgan yili universitet hovlisida o‘tkazilgan “Fan o‘ldi” nomli badiiy aksiya bilan boshlangan edi. O‘shanda talabalar Minerva haykaliga ramziy ma’noda “o‘lim” hukmini o‘qib, ta’lim tizimidagi muammolarga e’tibor qaratishga urinishgan. Biroq, huquq-tartibot idoralari ushbu harakatlar ortida chuqurroq siyosiy motivlar borligini gumon qilib, keng ko‘lamli surishtiruv ishlarini boshlab yubordi.
Tergov davomida Azaryan a’zo bo‘lgan “Xalq hokimiyati” deb nomlangan yashirin to‘garak faoliyati fosh etildi.
Mazkur guruh a’zolari o‘zlarining yopiq majlislarida va internetdagi guruhlarida trotskizm (kapitalizmni butunlay yo‘q qilishni va xalqaro inqilobni xohlaydigan yoshlar harakatlari) g‘oyalarini ilgari surib, zamonaviy kapitalistik tuzumni hamda “burjua islohotchilari”ni keskin tanqid ostiga olganlar. Eng asosiysi, Azaryanga nisbatan qo‘yilgan ayblov uning hokimiyatni zo‘ravonlik bilan ag‘darish va amaldagi siyosiy tizimni o‘zgartirish haqidagi chaqiriqlari bilan bog‘liq bo‘lib, bu huquqiy tilda “terrorizmni oqlash” deb baholandi. Nashrlarning yozishicha, tergov jarayonida talabalar o‘rtasidagi yozishmalar va yashirincha yozib olingan audioyozuvlar asosiy dalil sifatida keltirilgan.
Sud hukmi nisbatan yumshoq chiqqanining sababi esa Azaryanning aybiga to‘liq iqror bo‘lishi va tergov bilan hamkorlik qilgani bilan izohlanadi.
U allaqachon sakkiz oyni tergov izolyatorida o‘tkazgan bo‘lib, endilikda qolgan jazoni manzil-koloniyasida o‘taydi. Bu voqea nafaqat Rossiyadagi talabalar harakati, balki qo‘shni Qozog‘iston jamoatchiligi orasida ham katta rezonans uyg‘otdi, chunki mahkum etilgan yosh yigit xorij fuqarosi hisoblanadi. Bugungi kunda bu holat zamonaviy jamiyatda fikr erkinligi va siyosiy faollik chegaralari qayerda tugashi borasidagi bahslarni yana bir bor alanga oldirdi.
Samarqand shahrida bo‘lib o‘tgan Oʻzbekiston–Vengriya rektorlar forumi doirasida ikki mamlakatning taʼlim va ilmiy sohadagi hamkorlik masalalariga alohida to‘xtalib o‘tildi. Qayd etilganidek, bugungi kunda Oʻzbekiston va Vengriyaning 50 dan ortiq oliy taʼlim muassasalari oʻrtasida amaliy hamkorlik aloqalari yoʻlga qoʻyilgan. Shuningdek, “Stipendium Hungaricum” dasturi doirasida oʻzbekistonlik talabalar uchun ajratiladigan taʼlim grantlari soni 30 tadan 200 tagacha oshirilgani […]
5-mart kuni O‘zbekiston Respublikasi Pezidentining “Farmatsevtika tarmog‘ida ishlab chiqarishni rag‘batlantirish va ilmiy-tadqiqot jarayonlarini takomillashtirish bo‘yicha qo‘shimcha chora-tadbirlar to‘g‘risida” gi farmoni imzolandi. Unga ko‘ra 2026/2027-o‘quv yilidan boshlab Abu Ali ibn Sino nomidagi ixtisoslashtirilgan maktabda tajriba-sinov tariqasida Farmatsevtika texnik universiteti bilan o‘zaro integratsiya asosida o‘quvchilarni hayot fanlari asoslariga o‘rgatish bo‘yicha quyidagilarni nazarda tutuvchi ta’lim dasturlari joriy qilinadi. Abu […]
Prezident Shavkat Mirziyoyev 8-mart – Xalqaro xotin-qizlar kuni arafasida “Zulfiya” mukofoti bilan taqdirlash to‘g‘risidagi farmonni imzoladi. Eng quvonarlisi, bu yilgi “Zulfiyachi” qizlarning aksariyatini talabalar tashkil etmoqda. Ular: Satniyozova Indira Qaniyaz qizi — Qoraqalpoq davlat universiteti talabasi; Erimbatova Dilnoza Nurulla qizi — Qoraqalpoq davlat universiteti magistranti; Umurzoqova Mohlaroy Muxtorjon qizi — Andijon davlat pedagogika instituti magistranti; […]
